Ich Jacob der Allt purger ze Wells und ich Chůnigunt sein hausfrouen und alle unser erben wir vergehen . . . das ich . . . . ze chaufen han gegeben redleich und recht mit hern hant und mit aller sta^et di darzu^e geho^ert meinem ly^eben geistleichen hern ze Chremsmunster und der sammung daselb mein gu^et an der Strazz gelegen in Chemnater pharr .... daz mein recht leben gewesen ist von dem erwirdygen gotzbaus ze Chremsmu^enster . . . . Und daz in di vor genant tayding sta^et und unzebrochen von mir und von allen mein erben beleib, daru^eber so gib ich ob genanter Jacob in den brief versygelt mit meinem anhangunden insygel, und ze ainer pezzern sicherhayt und zeugnu^ez mit meines sun Jacoben am Ekk purger ze Wells und mit dez erbarn ritter hern Jansen dez Wu^ermtaler und mit dez erbarn manne Hainreichs dez Schikchen ir dreyer anhangunden insygel, di daz an den brief gelegt habent durich meiner vleizzigen pet willen in an allen irn schaden. Der brief ist geben nach Christes gepu^erd dreutzehen hundert iar und darnach in dem syben und fünfzkisten iar an unser vra^eun tag zu der ly^echtmezz.

Source Fulltext: OÖUB 7 (Wien 1876) S. 487f., Nr. 480