In nomine Domini amen. [Anno natiuitatis eiusdem MCCCLXXXX pontificatus sanctissimi in Christo patris et domini domini nostri Bonifacii diuina Dei prouidencia pape nono indicione duodecima anno sui^a) primo vicesima quarta die mensis Aprilis hora primarum uel quasi in domo habitationis] Hainrici dicti Payndel ciuis existentis in Veklapruk Patauiensis dyocesis pociorum et saniorum consilii in stuppa ipsius uel alibi discretus vir et religiosus frater Nycolaus sacerdos et monachus professus monasterii Hylariensis Patauiensis dyocesis coram nobis ostendit docuit demonstrauit digito veridico et demonstrato per litteras et sigillo et^b) figura et figuris et ymaginibus ipsius sigilli^c) in Christo reuerendissimi domini et comitis palatini Guillerini, prout patebit primo initium verborum per omnia in hec verba:||
Guillerinus Fonierii Dei gracia comes palatinus discreto viro ac honorabili Nycolao Hylariensi Patauiensis dyocesis sacerdoti olim monacho et professo prefati monasterii Hylariensis Patauiensis dyocesis pacem gaudium et salutem. Sagax humane nature discretio memorie hominum labilitate pensata, ne diuturnitate temporum ea, quae inter contrahentes aguntur obliuionis defectui subjacerent, tabellionatus officium adinuenit, per quod contrahentium vota scribuntur et scripture ministerio postmodum longum seruantur in evum. Cum itaque pro parte tua nobis fuerit humiliter supplicatum, ut tibi committere et concedere dignaremur, quod possis autoritate nostra et successorum nostrorum nobis a serenissimo et illustrissimo principe domino Karulo Dei gracia Romanorum imperatore quarto^d) semper Augusto et Boemie rege super creandis et conficiendis notariis publicis concessa creare XIIcim personas presbiteros vel clericos, quos duxeris nominandos sew etiam eligendos coniunctim uel diuisim, nos autem de discrecione tua et solita diligencia plenam in Domino fiduciam obtinentes volentesque propterea supplicacionibus huius modi fauorabiliter annuere in hac parte discrecioni tue tenore presencium duximus concedendum, quatenus duodecim personas dumtaxat, quas esse repperies sufficientes et ydoneas ad dictum tabellionatus officium exercendum, quas duxeris nominandas sew etiam eligendas, diligenti examinacione premissa recepteque postmodum ab eisdem XIIcim personis et earum qualibet vice nostra sacrosancte Romane ecclesie ac sacri Romani imperij nomine fidelitatis solite necnon de ipso tabellionatus officio fideliter et legaliter exercendo - prout inferius annotatur - corporali iuramento in notarios publicos vel succesiue creare possis auctoritate imperiali, quibus et eorum cuilibet exnunc officium concedimus antedictum, per pennam calamarium atque cartam, quam tunc in manibus tuis tenebis, investias de officio memorato ac ad pacis obstaculum recipias, generose dantes et concedentes eisdem XIIeim personis^e) et eorum cuilibet in hac parte auctoritate nostra nobis - ut premittitur - concessa plenam licentiam et liberam potestatem instrumenta acta prothocolla et zewgnuzprif et litteras exemplandi copiandi et publicandi, testes recipiendi et examinandi, testamenta conficiendi et ordinandi, codicillos applicaciones et dingprif et excepciones quascunque tam in iudicio quam extra audiendi scribendi et insinuandi, cum potestate tutores et curatores dandi et quaslibet alias scripturas siue contractus tam vltimarum decedencium voluntatum quam quoruncunque aliorum negociorum conficiendi et ordinandi, decreta interponendi, pupillis^f) et orphanis alimenta decernendi, necnon emancipare et neminem manutenere et adoptare volentibus auctoritatem prestandi dictumque tabellionatus officium ubicumque terrarum et in vbilibet locorum libere et pacifice exercendi et generaliter omnia et singula faciendi, que ad sepedictum officium quomodolibet^g) spectare noscuntur et ad easdem personas et eorum quamlibet tamquam ad notarios publicos iudices ordinarios et autenticas personas publice recurrantur^h), et instrumentis per eas confectisⁱ⁾ stetur de ceterok) firmiter et credatur et adhibeatur plena^l) fides. Forma autem juramenti, de quo supra fit mentio, talis est: Tu juras ad sancta Dei ewangelia de cetero fidelis esse sacrosancte Romane ecclesie et sacrosancto Romano imperio^m) suisque imperatoribus graciam et communionem obtinentibus ac domino comiti palatino supradicto, scriptas vero parte in publicam formam redigendas in carta papirea aut abrasa non scribes et in causis ecclesiarum hospitalium viduarum et orphanorum ius ingeres et eris fauorabilis et benignus dictumque tabellionatus officium sine fraude nil addensⁿ⁾ nil minuens malitiose uel fraudulenter, per quod alter contrahencium prodesse posset quomodolibet^g) vel obesse, exercebis et deposiciones testium per te examinandorum alicui parcium litigantium non reuelabis, donec de ipsorum consensu fuerint⁰⁾ more solito publicate.

Source Fulltext: OÖUB 10 (Wien 1933-1939) S. 612-615