Wir Alber vnd Heinrich von gotes gnaden Hertzoge ze Osterrich vnd ze Styre enbieten vnsern getrewen lieben dem Richter und gemeinchlich den Burgern ze Chrems vnd ze Steyn vnser gnad und allez guet. Wand wir den Geistlichen Luten von Lambach die gnad getan haben, daz si von irem Hof, den si habent ze Chrems alle iar niht mer ze stewer geben sullen danne ein march silbers. Da von gebieten wir ev vnd wellen ez auch bei vnsern hulden daz ir sev furbaz niht nötet wider die genad, die wir in gethan haben des wellen wir niht enbern. tet ir des niht, so tet ir wider vnser hulde. Der brief ist geben ze Wienne dez Samztages vor sand Oswaldes tag.

Source Fulltext: OÖUB 6 (Wien 1872) S. 634, Nr. 75 (Anhang)