Forma confessionalis

Pateat universis presentes litteras inspecturis, qualiter reverendus in Christo pater et dominus domnus Johannes ordinis sancti Benedicti abbas monasterii Lambacensis Pataviensis diocesis pro se et suis fratribus pro nunc in suo monasterio professis tantum et non futuris ad opus sancte cruciate per sanctum nunc in Christo patrem et dominum domnum nostrum Sixtum divina providentia papam quartum ordinatum debitam fecerit contribucionem, quapropter quilibet eorum auctoritate prefati domini nostri pape potestatem habet eligendi confessorem presbyterum sibi ydoneum religiosum vel secularem, qui audita diligenter eius confessione absolvere eum possit auctoritate predicta ab omnibus commissis per eum excessibus et peccatis quibuslibet quantumcumque enormibus, eciam si talia forent propter que sedes apostolica esset merito consulenda, et a censuris et penis ac excommunicacionibus omnibus a iure vel per statuta quecumque promulgatis et sedi apostolice reservatis semel dumtaxat, a non reservatis vero eidem sedi tociens quociens id pecierit ac semel in vita omnes et singulas indulgencias plenarias et peccatorum remissiones a summis pontificibus proficiscentibus ad recuperacionem terre sancte et Turcorum expugnacionem concessas et in anno iubilei concedi solitas et eciam in mortis articulo plenariam omnium peccatorum suorum remissionem et absolucionem ei impendere non obstantibus quibuscumque reservacionibus a prefato pontifice vel eius predecessoribus factis prout in bula data anno domini Mcccclxxx pridie nonas decembris, et in alia data anno domini Mcccclxxxi decimo Sitaus kalendas ianuarii plenius continetur. In cuius rei fidem et testimonium ego frater Emericus de Kemel, ordinis minorum super hoc negocio auctoritate apostolica commissarius deputatus presentes literas sigillo cruciate edidi munitas anno domini Mcccclxxxiii die xx mensis marcii.1