Raimundus Peyraudi, ecclesie Xanctonensis administrator, magister in theologia, sanctissimi domini nostri pape prothonotarius ac referendarius domesticus ad Alamaniam universaque et singula provincias civitates terras et loca Germanie sacro romano imperio et illius electoribus etc. subiecta, eiusdem sanctissimi domini nostri pape ac apostolice sedis cum plena potestate legati de latere, nuntius et orator, ad futuram rei memoriam. Iniunctum nobis ab apostolice sedis beneplacito legationis officium nos propensius excitat et induat, ut animarum saluti semper intenti illa personis ecclesiasticis et presertim sub suam religionis iugo altissimo famulantibus talia concedamus, per que earundem animarum salus deo propitio valeat proveniri. Hinc est, quod nos venerabilibus et religiosis viris dominis Johanni abbati et fratribus conventualibus vere penitentibus et confessis monasterii Lambacensis ordinis sancti Benedicti Pataviensis diocesis ut in veneris sancte Pasche, Pentecostes ac Assumptionis gloriosissime virginis Marie festivitatibus proxime futuris visitando septem altaria in ecclesia dicti monasterii consistentia, aut si tot non existant per replicationem, et quotiens id fecerint ac pro prospero et felici statu sanctissimi domni nostri domni Innocentii divina providentia pape viii. necnon sancte romane ecclesie preces ad deum fuderint plenariam omnium suorum peccatorum remissionem necnon iubileum auctoritate litterarum sancte eiusdem sanctissimi domni nostri nobis super hoc concessarum, et in quibus nos in conmissarium deputavit cum aliis facultatibus in eisdem litteris concessis elargimur pariter et concedimus ita quod con quem ipsi et eorum singuli duxerint eligendum, eos pro tunc ab omnibus suis peccatis sceleribus et delictis etiam si talia sint, propter que sedes apostolica merito esset consulenda absol vere valeat presentibus post festum Assumptionis huiusmodi minime valituris. In quorum fidem presentes litteras fieri nostrique sigilli iussimus appensione muniri. Datum Lintz Pataviensis diocesis anno incarnationis dominice millesimo quadringentesimo octuagesimo nono sexto decimo kal. aprilis, pontificatus eiusdem sanctissimi domni nostri pape anno sexto.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 261f, Nr. 3215