Ich Otacher der Scholehaimer, mein hausfraw^o vnd all vnser eriben vergechen mit disem brief offenbar allen laeutten, daz wi^er vns freuntleich vnd liepleich bericht haben mit herren Dietmaren probst ze Reichersperig vnd mit dem gotzhaus daselben gar vnd gaentzleich vmb daz selgereraet, daz mein mu^oter saelige vnd mein o^ehaim Aecherl der Hager auf i^erem haus heten gesehaffet ze Obernperig also, daz di herren dez vorgenanten gotzhaus das haus inn schullen haben mit allen nu^etzen vntz wi^er is von in geleesen vmb fu^emftzechen pfunt pazzawer pfenning, vnd verpautten si in der vrist vnd is in stet icht an daz haus daz ein rechtew not du^erft waer, daz schullen wi^er in wider cheren nach pider laeut rat, den daz paw chunt vnd gewissen sey. Vnd ze vrchund diser sachh gib ich in disen brief versigelten mit meinen anhangunden insigel. Der brief ist geben drevtzechen hundert jar vnd in dem fu^emftzigisten iar an sand Gylgen tag.

Source Fulltext: OÖUB 7 (Wien 1876) Nr. 198, S. 199f.