Wir Heinreich graf ze Ortenberch vnd all vnser erben vnd nachomen veriechen offenbar — daz wir durich Got vnd durich vleizziger pet willen den hof ze Symelshaym vnd einen hof ze Pirichach vnd einen hof ze Hofnoren, di der eriberig vnd weschayden her Georig von Ahaym durich hail vnd saeld seiner vnd seiner vorfodern vnd nachomen sel willen zu dem gotzhaus gein Reichersperig gegeben hat vnd di auch er vnd sein erben von vns vnd von vnsern erben ze lehen gehabt habent. Desselben lehens auf den oben geschriben dreyn hofen sagen wir daz oben geschriben gotzhaus ze Reichersperig ledig vnd los vnd aygnen im di selben gut mit dem gegenburtigen brief vnd westatten auch im di aygenschafft auf den oben genanten guten getriwlichen mit dem brief. — — Vnd darvber ze einem vrchund vnd ze einer sicherhait geben wir in den brief versigelt mit vnserm anhangunden insigel, der geben ist — dreutzehen hundert iar vnd in dem siben vnd funftzkisten an vnser frawntag ze der liechtmezz.

Source Fulltext: OÖUB 7 (Wien 1876) Nr. 481, S. 488