Nos Ulricus divina providencia prepositus totumque capitulum ecclesie sancte Felicitatis martyris septemque filiorum ejus in Awe patefacimus singulis ac universis, quod reverendos in Christo dominos ac fratres nostros dominum Dyetmarum prepositum totumque conventum ecclesie sancti Michaelis in Reycherzperg Pataviensis dyocesis omnium bonorum que in nostra ecclesia domino cooperante fiunt et fient videlicet in missis oracionibus vigiliis jejuniis et elemosinis vel quibuscumque devocionibus participes facimus per presentes statuentes unanimi consilio et pari consensu, quod deposiciones prelatorum prefate ecclesie sicut deposiciones nostrorum prelatorum in missarum officiis et vigiliis pro defunctis com ceteris divinorum celebracionibus et devocionibus a quolibet sacerdote missa habita devote et solempniter peragantur, una missa tamen modulando cum vigiliis celebretur. Item obitus confratum cum nobis intimabitur modo pari peragetur. Eciam memoria omnium defuntorum tratrum semel in anno hoc est quinto idibus decembris ut supra patuit per omnia teneatur. Eodem eciam die pro salute vivorum missa solempniter celebretur. Ceterum statuimus et ratum ac inviolabile esse volumus, quod si quandoque quispiam ex canonicis et confratribus supradicte ecclesie Reycherspergensis contra prelatum vel capitulum excesserit, quod idem nostra prebenda plene conmunicando gaudeat, quousque tam prelato quam conventui et gracie eorum fuerit prorsus reformatus, preterea si ipsis evenerit emitti ea quocumque defectu quod Deus avertat, tunc unum vel duos eorum pro nostro posse ad tempus reformacionis nobiscum debemus teuere et refocillare fideliter et fraterne. Ut autem ipsis hujus modi participium prelibate confraternitatis et conpromissionis ratum et inviolabile eternaliter permaneat, nos eis presentem cartam cum munimine sigillorum nostrorum hoc est prepositi et conventus tradidimus consignatum. Datum et actum in Awe anno domini millesimo trecentesimo sexagesimo secundo in die sancte Lucie virginis et martyris.

Source Fulltext: OÖUB 8 (Wien 1883) Nr. 110, S. 114f.