Wir Rudolff von Gotes gnaden herczog ze O^esterreich ze Steyr und ze Kernden embieten unsern liben getrewen . . unsern houptleuten lantherren rittern und knechten, allen richtern mauttern und andern amptleuten gegenwurtigen und kunftigen und ouch allen den diser brief getzaigt wirt unser gnad und alles gu^ot. Wan wir den erbern und geistleichen . . dem probst und den chorherren von Reichersperg unsern liben andechtigen und irm gotshaus solich brief und hantfest di si von unsern vordern habent daz si all ire varend ding di si angeho^erent frey durch unsere lant fu^eren sullen an mautt und an irrung von besundern gnaden vernewt und bestetigt haben, wellen wir und enphelhen ev gar ernstlich, daz ir si hei derselben freyung beleiben lazzet als ez von alter ist herkomen und also, daz si den purgern von Pazzow, die weil die in unserer veintschafft sind, nicht mittaillen ir wein die si auffurent, mit urkund ditz brifs geben ze Wienn an sand Symon und sand Judas tag der heiligen zwelfpoten anno domini millesimo trecentesimo sexagesimo secundo.||
+ Hoc est verum. +

Source Fulltext: OÖUB 8 (Wien 1883) Nr. 100, S. 102