Eberhardus Dei gracia prepositus et archidyaconus, Ortolfus eadem gracia decanus totumque capitulum ecclesie Saltzburgensis venerabilibus in Christo patribus et dominis, domino Dyetmaro preposito et decano totique capitulo monasterii in Reichersperig ordinis sancti Augustini canonicorum regularium Pataviensis diocesis salutem et fraternam in domino caritatem. Exigente pie devocionis affectu quo diu ad nostre principalis ecclesie tamquam matrem fraternitatem ferventibus desideriis aspirastis peticioni vestre nobis per religiosum virum Ulricum dictum Saeld vestrum concanonicum et professum presentate pio favore et benigno assensu unanimiter duximus annuendum, concedentes vobis tam presentibus quam futuris bonorum omnium que fiunt in missis vigiliis et oracionibus et aliis piis operibus sunt et erunt in futurum in nostro capitulo facienda plenam participacionem in vita pariter et in morte ea forma, ut nos post vestrum discessum nobis litteratorie insinuatum tantum pro vobis fiat quantum pro uno de nostris fratribus fieri est consuetum, petentes nichilominus ut hee littere singulis annis in vestro monasterio senibus et juvenibus ostendantur, ne abyssus dismentigacionis tam religiose opus absorbeat pietatis, necnon pleno desiderio et affectu sincero rogantes, ut nobis et nostris futuris fratribus fraternitatis consimilis vel si placuerit amplioris sub tenore quo littere presentes sunt confecte litteras concedere et dirigere velitis sigilli capituli vestri munimine roboratas. In cujus confederacionis testimonium presentes litteras vobis daraus memorati prepositi et causarum capituli nostri sigillorum munimine roboratas. Datum et actum Saltzpurge mensis May die vicesima nona anno domini millesimo trecentesimo septuagesimo quinto.

Source Fulltext: OÖUB 8 (Wien 1883) Nr. 738, S. 760f.