Ich Gundacher vnd Rv^eger vnd Jans von Storichenwerch tven chvnt an disem brief allen den, di in lesent oder ho^erent lesen, di nv sint oder her nach chvmftig werent, daz wir mit verdachtem mvet vnd mit gvetem willen vnser erben vnd vnser vriunt dem Gotshavs datz sand florian, zv dem wir svndern willen vnd lieb haben, vnser sel ze ainem selgere\at gegeben haben vreilich vnd ledichlich di aigenschaft, di wir gehabt haben auf drein gveten an dem aichperg bei Ens, di weilen von vns ze lechen gehabt hat der erwer man her Albrecht der wolfstain, der auch sein recht auf den selben gveten gegeben hat dem vorgenanten gotshaus ze einem selgeret. vnd daz daz dem vorgenanten gotshaus an chrieg stet vnd vest ewichlich beleib, geb wir im disen brief versigelt mit vnsern jnsigeln, Daz ist geschehen in dem egenanten Chloster nach Christes gebuerd vber drevzehenhvndert iar,darnach in dem zehenten iar an sand Georii tag.

Source Fulltext: OÖUB 5 (Wien 1868) S. 32-33, Nr. 29