Ich Johans von Chunring Obrister Schench in Osterreich vergich an disem brief allen den, di in sehent oder ho^erent lesen, daz di erbern Herren von sand Florian habent gechauft in meiner gebiet in der wochawe ob wesendorf an dem Mitterekke einen weyngarten von Weyglein dem Goltsmid von Chrems, den si iem gar vnd gantz vergolten habent, vnd ist daz geschehen vor meinem Richter vnd meinen Burgern in der wachawe mit rat vnd mit willen aller erwen vnd freunten, di zv Weiglein gehorent, vnd gib den vorgenanten Herren dar vber disen brief mit meinem Insigel zv einem warn vrchund vnd sichtigen gezeug. Daz ist geschehen, do von Christes geburt vergangen warn drevzehenhvndert jar, in dem siben vnd zwaintzgistem jar an sand Cholmans tag.

Source Fulltext: OÖUB 5 (Wien 1868) S. 496-497, Nr. 498