Ich walther vnd jans sein Pru°der ze den zeiten Purchgrafen datz Sevsenek vnd alle vnser erben veriehen vnd tuen chunt allen den, die disen prief sehent oder horrent lesen, die nu lebent oder her nach chu^emftich werden, Daz wir mit wolbedachtem muet vnd mit vnser erben willen haben gegeben daz Guet ze Langschaide, daz gelegen ist in Nevnsteter Pharre dem Spital ze sand florian mit alle dem nutz vnd dar zv^e geho^ert versu^eecht vnd vnuersuecht, gestift vnd vngestift, Also mit beschaidner red, daz man von demselben guet diennen schol dreizzich pfenning ze rechtem Purchrecht an sand Annen tag alle iar in daz Spital datz sand florian vnd zwai Hurren (sic für Hühner) vnd man schol auch ze anlait geben fumfzehen phenning vnd ze ablait fumfzehen vnd dhain vodrung mer. Daz die red stet vnd vnuerchert beleib, dar vber geb wir disen prief versigelt mit meinem anhangvnden jnsigel ze einem warn vrchunt vnd ze einem warn zeug diser sache. Der prief ist gegeben do man zalt von Christes gepu°rd Tausend jar, drevhundert jar dar nach in dem acht vnd dreizzgisten jar an vnser vrowen tag als si verschaiden ist.

Source Fulltext: OÖUB 6 (Wien 1972) S. 278, Nr. 274