"Ich, Ortneid von Tannberch(1), vnd mein hausfrav Margaret(2), vergehen vn tun chunt allen den, di disen prief sehent oder horent lesen daz wir mit verdahtem muot einen hof datz Væuhtenpach pei der chirchen(3), mit allem dem dienst vnd niezze, der von dem selben hof chuempt, haben versetzet dem gotzhaus vnd den pruedern datz dem Slag(4) fuer zehen pfunt Pazzawer pfening. Vnd ist daz geschehen, da von Cristes gepurd waren tausent driuhundert jar, in dem sibentem jar, an sand Achacen tag. Wir sullen auch alain den selben hof loesen zwichen weinahten vnd vasnath. Vnd sint dez geziuge mein ohaim Chalhoch der Valchenstainer(5), der Leupolt, purkkgraf ze Morspach(6), Vlreich(7), der richter ze Velden, Heinreich, sein prueder(8), Cunrad der Leikeb(9), Gerunch(10), Jordan(11), Rupreht(12), purger datz Velden, vnd ander gelæbig."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 71 (S 56), S. 88