"Bonifacius(1) [....] episcopo Anconitano(2) et [....] abbati monasterii sancti Caroli(3) Pragensis ac decano ecclesie Omnium Sanctorum in castro Pragensi [....]. ||
Religionis zelus, vite ac morum honestas [....], super quibus [....] Andreas Andree(4), canonicus monasterii Milocensis, Premonstratensis ordinis, Pragensis diocesis, [....] commendatur [....], nos inducunt, ut sibi reddamur [....] liberales. Dudum siquidem pro parte quondam Dyepoldi de Bernarticz(5), prepositi monasterii Plagensis per prepositum soliti gubernari, dicti ordinis, Patauiensis diocesis, nobis exposito, quod olim ipse in causa, per eum contra Nicolaum Flanczel(6), qui se gerit pro canonico dicti monasterii Plagensis, super eo, quod prefatus Nicolaus eundem Dyepoldum prepositura dicti monasterii Plagensis [....] de facto spoliaverat, [....] mota et apud sedem apostolicam [....] diucius ventilata, tres pro se [....] diffinitivas sentencias reportarat, et super execucione huiusmodi sentenciarum nostras ad [....] episcopum Aquensem(7), necnon [....] abbatem monasterii in Alto Uado(8), Pragensis diocesis, ac officialem Pragensem, eorum nominibus propriis non expressis, sub certa forma litteras impetrarat, quodque bone memorie Petrus episcopus Aquensis primo in huiusmodi execucionis procedens negocio solus, prout ex forma earundem poterat litterarum, nonnullos [....] processus fecerat in talibus fieri consuetos [....], et quod, licet huiusmodi processus ad Nicolai necnon conventus predictorum et singularum personarum ex huiusmodi conventu indubitatam noticiam legitime pervenissent, iidem tamen Nicolaus et conventus et nonnulli canonici dicti monasterii sive quamplures singulares persone ex huiusmodi conventu processibus ipsis vilipensis eisdem parere [....] non curarant neque curabant, et quod, licet eciam postea dictus abbas [....] sentencias in huiusmodi processibus latas aggravasset, necnon successive [....] auxilium brachii secularis invocasset, tamen predicti Nicolaus et alii canonici et quidam alii eorum complices in hac parte in reprobum sensum dati eundem Dyepoldum impediverant et impediebant ac fecerant et faciebant, quominus possessionem dicte prepositure vigore dictorum processuum assequi potuisset sive posset [....], ac pro parte eiusdem Dyepoldi nobis humiliter supplicato, ut providere sibi in premissis de oportuno remedio dignaremur, nos [....] abbati monasterii Brewnouiensis prope Pragam, similiter eius proprio nomine non expresso, nostris dedimus litteris in mandatis, ut legitimis per eosdem episcopum et abbatem super hiis habitis servatis processibus ad ipsarum primarum litterarum execucionem ulterius faciendum [....] auctoritate nostra procederet et nichilominus omnes clericos et ecclesiasticas personas in premissis culpabiles sive qui predictum Dyepoldum [....] presumerent impedire [....], auctoritate predicta moneret, ut [....] ab impedimentis eisdem omnino desisterent [....](9). Cum itaque postmodum prepositura predicta per eiusdem Dyepoldi obitum, qui, antequam possessionem dicte prepositure adipisceretur aut huiusmodi ultime littere execucioni debite mandarentur, extra Romanam curiam diem clausit extremum, vacaverit et vacet ad presens, [....] discrecioni vestre [....] mandamus, quatenus [....] preposituram predictam, que prefata monasterio Milocensi ordinario iure subesse dinoscitur, cuiusque fructus [....] sexaginta marcharum argenti puri [....] valorem annuum [...] non excedunt, [...] prefato Andree auctoritate nostra conferre et assignare curetis [....]; non obstantibus [....], quod idem Andreas, ut asserit, parrochialem ecclesiam in Mylewsk, dicte Pragensis diocesis, per canonicos eiusdem monasterii Milocensis gubernari consuetam noscitur obtinere. Volumus autem, quod dictus Andreas, quamprimum [....] dicte prepositure possessionem fuerit pacificam assecutus, eandem parrochialem ecclesiam [....] omnino dimittere teneatur [...]. Datum Rome, apud sanctum Petrum, idibus septembris, anno quarto decimo."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 230, S. 235-236