"Reuerendissimo in Christo patri et domino, domino Dei gratia sancte Pragensis ecclesia archiepiscopo(1) et apostolice sedis legato, eiusque in spiritualibus vicarijs et officialibus, necnon venerabili domino, domino preposito monasterij Plagensis(2) per prepositum soliti gubernari, ordinis Premonstratensis, Pathauiensis diocesis, ac illi uel illis, ad quem uel ad quos ecclesie parochialis in Khirchschlag, alias in Swietlik(3) Pragensis diocesis collacio, prouisio, presentacio seu queuis alia disposicio pertinet communiter uel diuisim, omnibusque alijs et singulis, quorum interest uel intererit et quos infrascriptum tangit negocium seu tangere poterit quomodolibet in futurum quibuscumque nominibus censeantur et cuiuscumque dignitatis, status, gradus, ordinis, condicionis aut preeminentie existant, etiam communiter uel divisim. Dywissius(4), miseracione diuina abbas monasterij Brewnoviensis prope Pragam, ordinis sancti Benedicti, executor unicus ad infrascripta a sede apostolica specialiter deputatus, salutem in Domino, et mandatis nostris imo seruis apostolicis firmiter obedire, litteras sanctissimi in Christo patris et domini nostri, domini Bonifacii(5), diuina prouidencia pape noni, in cordula canapis eius uera bulla plumbea more Romane curie bullatis, sanas et integras, non uiciatis, non cancellatis, non abolitis nec in aliqua sui parte suspectis, sed omni prorsus uicio et suspicione carentibus, nobis per discretum virum Prziechonem de Prziedborczicz(6), canonicum monasterij Milocensis, Premonstratensis ordinis, Pragensis diocesis, coram notario publico et testibus infrascriptis praesentatas, nos cum ea qua decuit reuerencia noueritis recepisse huiusmodi sub tenore:||
||
,Bonifacius episcopus seruus seruorum Dei, [...] anno quarto decimo.‘(7)||
||
Post quarum quidem litterarum apostolicarum praesentacionem et recepcionem fuimus per prefatum dominum Prziechonem de Prziedborczicz humiliter et cum instancia debita requisiti, ut ad executionem dictarum litterarum apostolicarum et omnium contentorum in eisdem procedere deberemus iuxta traditam seu directam a sede apostolica nobis formam. Nos igitur Dywissius, abbas et executor prefatus, uolentes mandatum apostolicum nobis in hac parte directum et commissum reuerenter exequi, ut tenemur, auctoritate apostolica nobis in hac parte commissa, eundem dominum Prcziechonem in nostri presentia personaliter constitutum de lectura, constructione, cantu, et alijs in dictis litteris apostolicis contentis, examinauimus diligenter. Et quod per examinacionem et inquisicionem huiusmodi prefatum dominum Prcziechonem bene legere, bene construere, bene cantare ac congrue loqui latinis uerbis et alias sufficientem, habilem, idoneumque inuenimus ad ecclesiam parochialem in Khirchschlag, alias in Swietlik obtinendum, que sibi in dictis litteris apostolicis et per ipsas conferri et assignari mandabatur et mandatur, ideo ipsum pronunciauimus et presentibus pronuncciamus habilem et idoneum ad dictam ecclesiam in Khirchschlag alias in Swietlik obtinendum. Jdeo vobis dominis vniuersis et singulis suprascriptis et uestrum cuilibet dictas litteras apostolicas et hunc nostrum processum, ac omnia alia et singula in eis contenta intimamus, insinuamus, notificamus ad uestramque et cuiuslibet uestrum noticiam deducimus et deduci uolumus per presentes et specialiter quod supradictam ecclesiam parrochialem in Khirchschlag, alias in Swietlik, quouis modo in dictis litteris apostolicis contentorum et expressorum uacantem cum omnibus iuribus et pertinentijs suis eidem domino Prziechoni auctoritate apostolica nobis in hac parte commissa et concessa contulimus et assignauimus, ac tenore presentium ||
conferimus et assignamus ac de illa sibi prouidimus et presentibus prouidemus, ipsumque dominum Prziechonem in corporalem possessionem dicte parochialis ecclesie, iuriumque et pertinenciarum eiusdem induximus et inducimus per presentes, inuestientes ipsum per birreti nostri super caput ipsius imposicionem presentialiter de eadem. Quocirca uos omnes et singulos supradictos et uestrum quemlibet et presertim illos, quorum interest seu interesse poterit quomodolibet, in futurum ac alios quoscunque tenore presentium requirimus et monemus, primo, secundo, tertio et peremptorie, communiter uel diuisim, uobisque nichilominus et uestrum cuilibet in uirtute sancte obediencie et sub penis infra scriptis districte precipiendo mandamus, quatenus infra sex dierum spacium post intimacionem, insinuacionem et notificacionem presencium et postquam per prefatum dominum Prcziechonem aut pro parte ipsius uigore presentium fueritis requisiti, seu alter uestrum fuerit requisitus, immediate sequi, quorum sex dierum duos pro primo, duos pro secundo et reliquos duos dies vobis vniuersis et singulis pro tercio et peremptorio termino ac monicione canonica prefigimus et assignamus, eundem dominum Prcziechonem uel procuratorem suum ad hoc legitime constitutum pro eo et eius nomine in et ad corporalem, realem et ad actualem possessionem dicte ecclesie in Khirchschlag, alias in Swietlik, sibi ut premittitur per nos auctoritate apostolica collate, juriumque et pertinenciarum eiusdem absque contradiccione, rebellione et difficultate quibuslibet admittatis, recipiatis et inducatis ac admissum, receptum et inductum defendatis, sibique uel dicto eius procuratori pro eo de ipsius ecclesie in Khirchschlag, alias in Swietlik, fructibus, redditibus, prouentibus, juribus et obuentionibus vniuersis respondeatis integre et faciatis ab alijs, quantum in uobis fuerit, et ad vos et vestrum quemlibet communiter uel diuisim pertinet plenarie responderi amoto exinde per uos aut alterum vestrum quolibet illicito dedecore, quem et nos eciam, quantum in nobis est, presentibus ammouemus et denuncciamus amotum, non obstantibus omnibus et singulis in suprascriptis litteris apostolicis contentis generaliter, specialiter et expresse. Monemus insuper modo et forma premissis, vos omnes et singulos suprascriptos et generaliter omnes alios et singulos, cuiuscunque dignitatis, status, gradus, ordinis, condicionis aut preeminencie estis seu existant, ne praefato domino Prcziechoni, quominus ipse per se uel procuratorem suum predictum dictam ecclesiam in Khirchschlag, alias in Swietlik, cum omnibus iuribus et pertinencijs suis et ipsius iuriumque et pertinenciarum eiusdem corporalem, realem et actualem possessionem assequatur. Et illam seu illa ac illas pacifice ualeat possidere et ipsius fructus, redditus, prouentus, jura et obuenciones cum integritate possit percipere et habere ac quominus omnia et singula supra et infra scripta suum debitum sorciantur et consequantur effectum impedimentum aliquod prestetis seu prestent aut prestet aliquis uestrum uel eorum, per vos uel alium seu alios nec impedientibus ipsum dominum Prcziechonem super premissis in aliquo detis seu dent aut det aliquis vestrum uel eorum auxilium, consilium uel fauorem publice uel occulte, directe uel indirecte, alioquin tam in dantes alteri quam in recipientes dictam ecclesiam in Khirchschlag, alias in Swietlik, seu aliquod ius pertinens ad eandem aut de ipsa ecclesia in Khirchschlag, alias in Swietlik, in preiudicium dicti domini Prcziechonis quomodolibet disponentes uel ordinantes, necnon impedientes et impedientibus ipsum dominum Prziechonem super premissa in aliquo dantes consilium, auxilium uel fauorem publice uel occulte quouis quesito colore et in contradictores quoslibet et rebelles, nisi infra dictum terminum sex dierum ab huiusmodi contradiccione, rebellione, impedimentis, auxilio, consilio et fauore omnimodo destitentis et destiterint ac mandatis nostris imo seruis apostolicis in hac parte parueritis seu paruerint realiter et cum effectu, exnunc prout extunc, et extunc prout exnunc, ||
singulariter in singulos dicta sex dierum canonica monicione premissa excommunicationis, jn capitulum dicte Pragensis ecclesie suspensionis, et in ipsam ecclesiam Pragensem ac monasterium Plagense predictum interdicti sententias ferimus et eciam promulgamus in his scriptis, vobis uero archiepiscopo Pragensi ob reuerenciam vestre pontificalis dignitatis deferendum duximus in hac parte, si contra premissa et infra scripta et aliquod premissorum feceritis publice uel occulte, directe uel indirecte, prefata sex dierum canonica monicione premissa ingressum ecclesie interdicimus in his scriptis. Si uero huiusmodi interdictum per alios sex dies praefatos, sex immediate sequentes sustinueritis simili monicione canonica premissa in his scriptis suspendimus, addicimus uerum, si prefatas interdicti et suspensionis sentencias per alios sex dies duodecim immediate sequentes ammodo, quod absit, sustinueritis indurato exnunc prout extunc, et extunc prout exnunc, dicta canonica monitione premissa in his scriptis excommunicacionis sentenciam innodamus. Ceterum, cum ad execucionem huiusmodi mandati apostolici atque nostri ulterius faciendi nequeamus, quo ad presens alijs arduis nostris et dicti monasterij nostri negocijs prepediti personaliter interesse vniuersis et singulis dominis abbatibus, prioribus, prepositis, decanis, archidiaconis, scholasticis, cantoribus, thesaurarijs, custodibus, canonicis tam kathedralium quam collegiatarum, parrochialium rectoribus ecclesiarum, et eorum loca tenentibus, ceterisque presbiteris et capellanis, curatis et non curatis, clericis et thabellionibus siue notarijs publicis quibuscunque per et infra ciuitates et diocesin Pragensem, Pathauiensem, Olomucensem et alias ubilibet constitutis et eorum cuilibet insolidum super ulteriori execucione dicti mandati apostolici atque nostri ulterius facienda tenore presentium committimus plenarie uices nostras, donec eas ad nos duxerimus reuocandi quosque et eorum quemlibet tenore presencium requirimus et monemus, primo, secundo, tertio et peremptorie eisque nichilominus et eorum cuilibet in virtute sancte obediencie et sub excommunicationis pena, quam in ipsos et eorum quemlibet exnunc prout extunc, et extunc prout exnunc, canonica monicione premissa ferimus in his scriptis, si ea, que eis in hac parte committimus et mandamus recusauerint, distulerint seu neglexerint contumaciter adimplere, districte precipiendo mandamus, quatenus infra sex dierum spacium post insinuacionem et notificacionem presentium et postquam per predictum dominum Prcziechonem aut pro parte ipsius fueritis requisiti seu alter uestrum fuerit requisitus immediate se sequenti, quorum sex dierum duos pro primo, duos pro secundo, et reliquos duos dies ipsis et eorum cuilibet pro tercio et peremptorio termino et canonica monicione prefigimus et eciam assignamus ita tamen, quod in his exequendis alter ipsorum alterum non expectet, nec unus pro alio se excuset ad reuerendissimum patrem et dominum, dominum archiepiscopum Pragensem, eiusque in spiritualibus vicarium et officialem, ac prepositum monasterij Plagensis predictum, omnesque alios et singulos supradictos, alias personas et loca alia de quibus et vbi quando et quoties expediens fuerit, personaliter accedant seu accedat et dictas litteras apostolicas et hunc nostrum processum ac omnia et singula in eis contenta legant, publicent, intiment, insinuent et fideliter publicari procurent, necnon prefatum dominum Prcziechonem uel procuratorem suum legittimum pro eo et eius nomine in et ad corporalem, realem et actualem possessionem dicte parochialis ecclesiae in Khirchschlag, alias in Swietlik, sibi per nos auctoritate apostolica collate, juriumque et pertinenciarum eiusdem inducant seu inducat, et defendant seu defendat inductum et ad dictam parochialem ecclesiam in Khirchschlag, alias in Swietlik, admitti faciant seu faciat, ut est moris, dictoque domino Prziechoni uel dicto eius procuratori pro eo de ipsius ecclesiae in Khirchschlag, alias in Swietlik, fructibus, redditibus, prouentibus, juribus et obuencionibus vniuersis integre et plenarie responderi faciant et procurent, seu faciat et procuret, cum effectu ammoto exinde quolibet illicito detentore, quem et nos, ut premittimur, ammouimus, denuncciauimusque ammotum. Et nichilominus omnia et singula nobis in hac parte commissa, ulterius exequantur iuxta traditam seu directam a sede apostolica nobis formam, ita tamen, quod ipsi delegati nostri in preiudicium dicti domini Prcziechonis aut iuris sui nichil ualeant attemptare, nec circa supra scriptas nostras sentencias per nos latas, et processus per nos habitos absoluendo uel suspendendo aliquid inamutare. Super quo ipsis et eorum cuilibet ac cuicumque alteri potestatem omnimodam denegamus. Et si contingat, nos super premissis in aliquo procedere de quo nobis potestatem omnimodam et plenariam reseruamus, non intendimus tamen propter hoc commissionem nostram huiusmodi in aliquo reuocare, nisi de reuocacione ipsa specialem et expressam in nostris litteris fecerimus mencionem. Prefatas quoque litteras apostolicas et hunc nostrum processum uolumus penes eundem dominum Prcziechonem uel procuratorem suum remanere et non per vos uel quemcumque alium contra ipsius domini Prcziechonis uel procuratoris sui uoluntatem quomodolibet detineri. Contrarium uero facientes prefatis nostris sentencijs, prout in scriptis late sunt, ipso facto uolumus subiacere. Mandamus tamen vobis copiam fieri de premissis, si eam pecieritis et habere uolueritis, vestris tamen sumptibus et expensis. Absolucionem uero omnium et singulorum, qui prefatas nostras sentencias uel eorum aliquam incurrerint quoquo modo, per manifestam resistenciam uel occultam nobis uel superiori nostro tantummodo reseruamus. Jn quorum et singulorum fidem et testimonium omnium premissorum presentes nostras litteras seu presens publicum instrumentum huiusmodi nostrum processum in se continentes seu continens, per notarium publicum infrascriptum subscribi mandauimus et publicari, sigillique nostri fecimus appensione communiri. Actum et datum in monasterio Brewnowensi, in stuba magna seu familiari, sita in medio curie a dextris penes ualuam, sicut itur ad monasterium, anno Domini Mo. CCCCo. IIIIo. indiccione XIIo, die uero XXIIIo mensis februarij, hora terciarum uel quasi, pontificatus sanctissimi in Christo patris et domini, domini Bonifacij, diuina prouidencia papae noni, anno decimo quinto, presentibus hominibus et discretis viris, domino Sifrido, preposito monasterij Brewnowensis, domino Mathia de Dobrczano(8) notario publico, Iankone de Praga(9) sagittario, necnon Ioanne dicto Treczka de Brczelnow(10), testibus circa premissa fide dignis."||
||
[NOTARIATSSIGNET] "Et ego, Ioannes(11), natus quondam Ioannis de noua ||
ciuitate, clericus Olomucensis diocesis, publicus notarius imperiali auctoritate, ||
predictarum litterarum apostolicarum presentacioni, recepcioni, requisicioni, ||
examini idoneitatis, pronunciacioni ecclesie, collacioni et assignacioni, prouisioni, ||
jnuestiture, ammocioni, monicioni, commissioni, inhibicioni sentenciarum, ||
fulminacioni, reseruacioni et mandatis ac omnibus alijs et singulis, dum sic ut ||
premittitur per prefatum dominum abbatem, executorem et coram eo fierent et ||
agerentur una cum prenominatis presens interfui testibus, signoque et nomine ||
meis solitis et consuetis una cum appensione sigilli eiusdem domini executoris et de ipsius mandato consignaui et in hanc publicam formam redegi in fidem et ||
testimonium omnium premissorum."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 234, S. 240-244