"Thomas(1) permissione diuina abbas monasterij Lambacensis, ordinis sancti Benedicti, Patauiensis diocesis. Executor vnicus ad jnfrascripta a sanctissimo in Christo patre et domino nostro, domino Paulo(2), diuina prouidencia papa secundo atque eius sancta sede apostolica specialiter deputatus, vniuersis et singulis cuiuscumque status, gradus, ordinis, condicionis aut preeminencie existant, ac illis ad quos seu quorum noticiam presentes nostre littere peruenerint, et quos infrascriptum tangit negocium seu tangere poterit quomodolibet jn futurum, salutem jn Domino, et scriptis nostris huiusmodi firmiter adhibere fidem. Litteras iam dicti sanctissimi jn Christo patris et domini nostri, domini Pauli, diuina prouidencia pape secundi, eius vera bulla plumbea jn cordula canapis more Romane curie impendente bullatas sanas siquidem et jntegras, non viciatas, non cancellatas, non abolitas aut abrasas, nec jn aliqua sui parte suspectas, sed omni prorsus vicio et suspicione carentes nobis per venerabilem patrem et dominum Andream(3), prepositum monasterij beate Marie virginis jn Plaga, alias in Slaga, ordinis Premonstratensis, Patauiensis diocesis, presentatas, nos cum ea qua decuit reuerencia noueritis recepisse huiusmodi sub tenore:||
||
,Paulus, episcopus [...] anno secundo‘ [Urk 410: 14.4.1466]||
||
Post quarum quidem litterarum apostolicarum presentacionem et recepcionem nobis et per nos sicut premittitur factas, fuimus per dictum venerabilem patrem et dominum Andream prepositum, sui ac tocius conuentus monasterij jn Plaga vice et nomine debita cum jnstancia requisitj, quatenus ad execucionem earundem litterarum apostolicarum ac omnium et singulorum contentorum in eisdem, iuxta traditam nobis formam procedere dignaremur. ||
||
Nos igitur, Thomas, abbas et executor prefatus tamquam obediencie filius, dictum mandatum apostolicum nobis in ea parte directum reuerenter exequi volentes, ut tenemur. Vocatis primo per nostras citatorias litteras tam jn valuis ecclesie Patauiensis, quam in cancellis ecclesie parrochialis in Rorbach(4) omnibus et singulis sua communiter vel diuisim interesse putantes, quatenus die, loco et hora infra notatis coram nobis comparerent ad dicendum et allegandum, quidquid dicere seu allegare voluerint et racionabiliter possent verbo vel in scriptis contra huiusmodi nobis factam commissionem, ad procedendum et procedi videndum jn eodem nobis commisso negocio usque ad execucionem effectiuam iuxta traditam a sede apostolica nobis formam. Quo termino adueniente comparuit coram nobis prelibatus dominus prepositus pro se et dicto conuentu suo, et citatorum non comparencium nec quicquam racionabile contra huiusmodi commissionem nobis a sede apostolica factam, ac litteras, testes, eorum dicta, aliaque documenta coram nobis producta, dicencium contumaciam accusauit, et ad earundem litterarum apostolicarum execucionem procedi postulauit. Nos vero eosdem citatos et non comparentes contumaces reputauimus, et in ipsorum contumaciam de omnibus et singulis contentis in litteris apostolicis supradictis inquisiuimus diligenter. Et quia tam per solennem indaginem per nos super hijs habitam, quam per testes super hijs vocatos et debite examinatos, necnon ex litteris olim reuerendi et venerabilium patrum et dominorum Alberti(5) episcopi, Meingotti(6) prepositi, Meingotti(7) decani, ac capituli Patauiensis, alijsque documentis coram nobis exhibitis et productis, animum nostrum debite informauimus. Ex quibus omnibus suspicione carentibus nobis plene constitit atque constat ita esse, prout in dictis litteris enarratur. Jdeo predictas vnionem, annexionem, incorporacionem, ac olim reuerendissimi jn Christo patris, domini Alberti episcopi, Meingotti prepositi, Meingotti decani, ac capituli Patauiensis litteras, atque omnia et singula jn eisdem contenta, auctoritate apostolica, qua fungimur in hac parte, confirmamus; omnesque et singulos defectus, si qui forsan interuenerint, supplemus in eisdem, atque preposito, capitulo et conuentui prefati monasterij vt eidem vnite ecclesie per vnum ipsius monasterij canonicum ad hoc ydoneum deseruiri facere, ac eum ad claustrum pro solo nutu reuocare. Ipsiusque vicarie fructus, redditus et prouentus in suos ac monasterij et vnite ecclesie predictorum vsus et vtilitatem conuertere libere et licite valeant, eadem auctoritate concedimus facultatem, non obstantibus quibuscumque, que prefatus dominus noster sanctissimus in suis litteris voluit non obstare. Que omnia et singula supradicta vobis omnibus et singulis predictis et alijs, quorum interest vel intererit quomodolibet in futurum, intimamus, insinuamus et notificamus, ac ad vestram et cuiuslibet vestrum noticiam deducere volumus et deducimus per presentes. ||
||
Jn quorum omnium et singulorum prescriptorum testimonium robur, fidem et perpetuam firmitatem presentes litteras siue hoc presens publicum jnstrumentum huiusmodi nostrum processum in se continentes siue continens exinde fieri et per notarium publicum ac huiusmodi cause coram nobis scribam infrascriptum subscribi et publicari mandauimus, nostrique sigilli iussimus et fecimus appensione conmuniri. Datum et actum jn monasterio nostro Lambacensi(8), jn stuba hospitum depicta, anno a natiuitate Domini millesimo quadringentesimo sexagesimo sexto, jndiccione decima quarta, die vero lune, que fuit vicesima quarta mensis julij, hora prima vel circa post meridiem, pontificatus prefati domini nostri sanctissimi domini Pauli pape secundi, anno eius secundo, presentibus ibidem venerabi et religioso ac honorabilibus et discretis viris et dominis magistro Johanne(9) monasterij nostri Lambacensis priore et sacre theologie egregio professore, Johanne Czobel(10) rectore parrochialis ecclesie sancti Petri in Windwerig, Georgio Gaispekch(11) vicario ibidem, Caspare Stettnêr(12) vicario jn Rorbach, Johanne Grueber(13) diuinorum cooperatore jn Habreinewkirchen(14), Cristanno Satloeder(15) cappellano jn Lambaco, presbyteris, Georgio Winklar(16) clerico scolastico ibidem, Andrea Staynasperger(17) ac Wolfgango Weyman(18) laicis Patauiensis diocesis, testibus ad premissa vocatis specialiter et rogatis."||
||
[NOTARIATSSIGNET] ||
"Et ego, Petrus Strobel, presbyter Patauiensis diocesis, publicus sacra jmperiali auctoritate notarius, quia prescriptarum litterarum apostolicarum exhibicioni, ||
presentacioni, recepcioni, annexioni, vnioni et confirmacioni ac alijs omnibus et singulis dum sicut premittitur, per prefatum reuerendum patrem et dominum, dominum Thomam, abbatem et executorem, et coram eo fierent et agerentur, vnacum prenominatis testibus presens interfui, eaque omnia et singula sic fieri vidi et audiui, jdcirco ipsa manu mea ex mandato dictj domini abbatis et executoris conscripsi et in hanc publicam formam redegi, signoque et nomine meis solitis et consuetis vnacum appensione sigillj sepedicti domini abbatis fideliter consignaui, rogatus et requisitus, jn fidem et testimonium omnium et singulorum premissorum."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 418 (S 298), S. 459-462