"Nos Iohannes(1), Dei gratia præpositus monasterij sancti Nicolai(2) extra muros ciuitatis Patauiensis, ordinis sancti Augustini canonicorum regularium. Notum facimus vniuersis et singulis hoc presens transumptum inspecturis, quod constitutus coram nobis venerabilis et egregius vir dominus Sigismundus Forschofer(3), in decretis licentiatus, canonicus ecclesiæ et cancellarius reuerendissimi in Christo patris et domini, domini nostri gratiosi, domini Vdalrici(4) episcopi Patauiensis, in notarij publici testiumque infrascriptorum præsentia non nullas litteras, sigillis integris et illæsis munitas et in pegameno conscriptas nobis exhibuit, hortans et petens nomine et vice prefati domini nostri Patauiensis, quatenus easdem litteras transsumi et exemplari ac in formam autenticam sub manu publica redigi demandare curaremus, quoniam ille ad loca distantia præsertim his turbatis temporibus absque periculo uerisimiliter deduci non possent, quorum quidem litterarum tenor de verbo ad verbum sequitur et est talis:||
||
,Nos, Heinricus ... de Ortenberch [...] quinquagesimo primo.‘ [Urk 11]||
||
,Wir, Eczel, graf zu Ortenburg(5) [...] achzehenden jare.‘ [(6)]||
||
,Ich, Peter von Rosenberg [...] frawen tag in dem herbst.‘ [Urk 139]||
||
,Ich, Vlrich von Rosenberg [...] des mitichen nach sand Luciae tag.‘ [Urk 272.a]||
||
Nos itaque Johannes præpositus supradictus petitioni huiusmodi annuentes, prelibatas litteras ad manus nostras recepimus, vidimus, inspeximus et auscultauimus diligenter, et quia ipsas post auscultationem huiusmodi integras, illesas, ac absque omni vitio seu suspicione comperimus, idcirco easdem de verbo ad verbum transcribi et exemplari ac in presentem publicam formam, nihil addendo uel minuendo, quod facti substantiam immutare seu intellectum posset aliquatenus variare, redigi mandauimus, harum tenore decernentes, quod huiusmodi exemplo publico ubique locorum et extra stetur, credatur ac fides plena adhibeatur ueluti litteris originalibus antescriptis, in cuius rei testimonium presentes nostras litteras seu presens publicum instrumentum per notarium publicum subscriptum exinde fieri et subscribi ac sigilli nostro iussimus et fecimus appensione communiri. Datum et actum in monasterio nostro præfato anno à natiuitate Domini millesimo quadringentesimo sexagesimo octauo indictione prima pontificatus sanctissimi in ||
Christo patris et domini nostri, domini Pauli(7), diuina prouidentia papæ secundi, anno quarto, die uero veneris, quartadecima mensis octobris, hora vesperorum uel quasi, presentibus ibidem religiosis fratribus Nicolao Taufkirch(8) dicti monasterij ||
professi, ac discretis Chunrado Trandler(9) et Georio Vtzenperger(10) clericis ciuitatis et diocesis Patauiensis, testibus ad premissa vocatis pariter et requisitis.||
||
Ego Iohannes Zinner(11) de Nouoforo clericus Eystetensis diocesis jmperiali auctoritate notarius publicus, quia prescriptarum literarum exhibitione, petitione, prospectione, exemplatione, auscultatione, examinatione, transsumptione, decreti interpositione, omnibusque alijs et singulis dum sic ut permittitur fieret et ageretur, una cum prenominatis testibus presens fui, eaque sic fieri uidi et audiui, ideo hoc publicum instrumentum manu alterius, me aliter occupato, conscriptum exinde confeci, subscripsi, exemplaui, publicaui et in hanc publicam formam redegi, sigillique dicti reuerendi patris ac domini, domini Iohannis præpositi appensione, signoque et nomine meo solito et consueto sigillaui et consignaui in fidem et testimonium omnium et singulorum rogatus et requisitus."

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 428.a, S. 473-474