...als ich von geistlicher Ordnung wegen chainerlay aygenschafft noch aygen gut nicht sol haben, weder gegenwurtiges, noch chunfftiges, darumb geb ich obgenanter Niclas wolbedachtleich und unbetwungenleich in chraft des briefs unserem vater undprelaten, probst Andre des egenanten gotzhaus ze Voraw und dem gotzhaus daselbs gänzleich über allen meinen eribtail, der mir sol gebiren nach abgang mit dem tod meines egenanten vatter und meiner Schwester Margreten, fleischhackeren ze Salchenaw (Sollenau, NO), oder ander meine frewnd, es sey erib oder varend guet, oder wie das genant ist oder wirt, das alles an meiner stat dem gotzhaus ze Voraw ein zebringen und an ze nemmen.