... als der ersam geistleich unser lieber andechtiger Niclas Tzinkg, vorzeiten probst zu Varaw, in der reformation des klosters daselbs derselben probstey abgetreten hat und darumb mit ainer jerleichen gult undpfrint im zu seinen lebtägen von dem selben klosterze raichen nach lautt des briefs im von den visitireren darumb gegeben fürgesehen ist. Das wir als landesfürst zu der selben fursehung unsern willen und gunst gegeben und die bestet haben und bestetten auch wissentlich mit dem brief was wir zu recht daran bestetten sullen oder mügen, also das die selb fursehung dem egenanten Tzinkn sein lebtag nach lautt des obgemelten briefs geben undgeraicht werde.