... das für mich khumben ist der edl unnd vesst herr Georg von Teuffenpach unnd bracht mierfur ainen lehensbrief so vormals mein brueder graf Haug von Montforth seeliger ausgangen, besigelt, verferttigt hat und nun imefur sich selbst als dem rechten erben unnd eltisten lehenstrager auch anstatt seines bruedern Hannsen von Teuffenpach nachvolgunde stuckh unnd güetter als vorausgebnem lehensbrief mitsambt seiner dienstlichen bitt auch also wolte verleichen. Des ich habe angesehen unnd innen solche lehenstuckh geliehen nach dem Lehensrecht im Lande Steier: Item von erst ein guet, genant die Walcherhueben. Item ein wisen, gelegen unndter dem Epnstain. Item ein guett am Offnach an dem Pelshals (Pölshals).