Cho^unradus celesti gratia patauiensis episcopus cunctis ecclesie sue christique fidelibus salutem, in perpetuum. Hec nobis secundum episcopale officium credita est dispensatio, scire et uelle fidelium et ecclesiarum nostrarum conmoditatibus benignitate paterna prouidere et de his, que ad utilitates ipsorum rationabiliter in presenti confirmantur, ne in futuro tempore rescindi ualeant, scripto et testimoniis diligenter precaucre. Inde est, quod domini Gebhardi deo dilecti abbatis de Willeheringen fratrumque sue obedientie petitionem factam pro quodam concambio debuimus exaudire, et qualiter factum fuerit, presenti confirmationis pagina et sigilli nostri inpressione conmunire. Abbas siquidem prefatus sibi suisque fratribus sine nostro et ecclesie nostre detrimento proficere cupiens, religiosis obtinuit peticionibus, vt pro parte decimarum, que de suis cultibus apud Wilheringen barrochiano nostro de schoneringen iure debuit prouenire, curtile quoddam sue proprietatis apud strazheimen in reconpensationem uellemus recipere. Uiros itaque optime discretionis, quosdam ministeriales nostros misimus gerhohum de ruta et fratrem illius gotefridum, Chunradum de můlebach cum fratre suo Walthero et alios quam plures, quibus idem iniunximus, ut parem utriusque utilitatis estimationem, que hinc inde in illa cambitione posset concurrere, discrete preconsiderarent nobisque ueritatem super hoc reportarent. Dicto itaque nobis, quod pro decimis illis pretaxatis in prenotato curtili recepto, plenariam reconpensationem habere possemus rationabiliter et legitime, Wernhardo quoque plebano de Schoneringen consentiente, conmutationem illam recepimus et de recepta paginam hanc et scribi et sigillo nostro insigniri precepimus. Hunc autem contractum et confirmationem cleri et fidelium nostrorum fauore et beneplacito conprobatam, quatinus iugiter maneat inconuulsa, deo auctore sub inmunitate banni nostri ponimus nec non et successoribus nostris episcopis eandem in christo diligentiam relinquimus. Acta sunt hec patauie X kalendas octobris anno post incarnationem domini M.C.L.VIIII. Indictione VI (sic) Anno uero nostri pontificatus XII. Testes sunt O^udalricus de pernec, Heinricus de tegernbach, Rudigerus et frater eius Porn de Holcehusen, Fridericus et Vlricus et Porn fratres eius de Wida, Gerho^eh de ruta, gotefridus de winchila, Marquardus de Gumpotingen, Vdalricus et Sigeboto frater eius de bornheim, Reginbertus de lochelingen, Rubertus decanus, Item Růbertus, Heinricus Scholasticus, Wdalricus, Otto, Ecchehardus, Fridericus, Diethericus, Otto, Otto, Adelbertus, Heinricus .....

Source Fulltext: OÖUB 2 (Wien 1856) S. 294-295