Ne gestarum rerum obliuio tollat memoriam, solent facta hominum perpetuo duratura scripturarum apicibus et bono testimonio perhennari. Innotescat igitur presentibus et futuris, quod ego Heinricus de Cirberch dictus Lonstorfaer quoddam feodum situm in Paesching, quod Chunradus dictus Salmansleiter pleno cum consensu fratrum et heredum suorum michi assignauerat titulo proprietatis, recipiens a me in feodo idem predium, dedi et contuli ius meum, quod habui in eodem predio, ecclesie sancte Marie virginis in Wilhering ac predictus Chunradus dedit ac vendidit ius suum, quod habuit in prefato predio, cum bona voluntate mea predicte ecclesie pro decern et octo libris vsu fructuario et titulo proprietatis liberaliter et perpetualiter possidendum hoc adiecto, quod tenore presenti promisi et promitto, quod idem feodum defendere debeo ab omni vexatione et inpetitione omnium heredum et amicorum prefati Chunradi et quorumlibet aliorum ita, quod quidquid predicta ecclesia per inpeditionem predicti predii receperit (damni), debeo per omnia restaurare. Ne igitur presens donatio simul et venditio valeat aliqua in posterum calumpnia perturbari, presens scriptum dedi predicte ecclesie mei sigilli munimine cum subnotatis testibus roboratum. Sunt autem testes dominus Haertnidus et Bernhardus de Truna, dominus Otokarus de Chirchperch, dominus Otto Fronsenaer, Heinricus de Wuldensdorf, Ditmarus de Holtz, Vlricus camerarius, Meinhardus et Vlricus de Chlingelprunn, Vlricus et Heinricus de Naentzing, Heinricus de V/etzing, Gerungus de Asenheim. Datum et actum Anno domini M. CC. LXXX. in purificatione gloriose virginis Marie.

Source Fulltext: OÖUB 3 (Wien 1862) S. 516, Nr. 555