Nos frater Hermannus dictus abbas in Ebera et nos frater Hartmannus dictus Abbas in Lancheim et nos frater Chunradus dictus Abbas in wilhering vniuersis declaramus tam presentibus quam futuris tenorem presencium inspecturis, quod Reuerendus in christo pater dominus vlricus venerabilis Decanus in Thauershaim ob anime sue suorumque progenitorum salutem et remedium quandam summam pecunie Ecclesie in wilhering dedit et contulit conuertendam in redditus annuos apud dictam Ecclesiam in wilhering iusto proprietatis tytulo perpetuo remansuros, cum qua videlicet pecunia Nos frater Chunradus dictus Abbas in wilhering et nostri predecessores abbates conparauimus redditus infra scriptos, videlicet in Pettendorf decem solidos et quindecim denarios, de Glatzmans dimidiam libram denariorum, In Ekkendorf xviij° solidos denariorum, de zaizzenperg xi. solidos denariorum, De awe Quinque libras denariorum et Tres libras denariorum ad Curiam nostram in Chrems pertinentes, De Teizze tres libras denariorum minus xxxa denarios, De areis emptis a weipotone sex solidos denariorum, De area inter vinitores in Chrems Quatuordecim solidos denariorum, De Gvntzeins tres libras denariorum, De decima in Mulpach vuam libram denariorum, De quibusdam decimis et Curia in Paiering et dimidia Curia in Talhaim decem libras denariorum minus xx denarios, De domo in Chrems vnam libram denariorum. De Jure Ciuili iuxta Ciuitatem Chremensem duas libras denariorum, De area et agro in Nevndorf dimidiam libram denariorum et iii denarios, Item de Jure Ciuili lx, denarios, De Sex iugeribus agrorum vnam libram denariorum, De domo in Ponte in Chrems lx. denarios, De Egelse lxxa. denarios, de Leutfritstorf de areis tres solidos denariorum et xij. denarios, Quos redditus iam notatos prefatus dominus vlricus decanus vsibus dicte Ecclesie simpliciter et liberaliter tradidit deuota et hylari mente coram nobis plene abrenuncians omni iuri et actioni, que forsan ipsi aut alicui sibi jus in dictis redditibus vsurpanti nunc vel in posterum videretur conpetere in bonis memoratis huiusmodi condicionibus mediantibus et annexis videlicet, vt de viginti libris denariorum predictorum reddituum cuilibet Monacho, nouicio et conuerso dicte domus in wilhering tria oua singulis diebus per totum annum, dum hiis vesci licuerit, ministrentur, Et de decem libris denariorum omni sexta feria extra aduentum domini et Quadragesimam lx. denarii pro piscibus ministrandis dicto Conuentuj impendantur Hoc adiecto, quod de prefatis redditibus Infirmario pro maiori solacio infirmorum redditus sex librarum assignentur et de duabus libris duo luminaria, vuum videlicet ante altare beatorum Martirum Stephani et Laurentij et alterum in Cappella porte tantum in nocte ardentia perpetuo habeantur, hoc nichilominus memorie conmendando, quod in proxima sexta feria seruicium piscium inchoetur, Seruicium vero ouorum in festo beati Georij Martiris proxime nunc futuro suum principium sorciatur. Nos vero frater Hermannus dictus abbas in Ebera dicte Ecclesie in wilhering pater seu visitator cupientes sepefatam elemosinam pietatis pio studio et fauore persequi singulas condiciones super distribucione consolatoria eiusdem elemosine editas confirmamus et roboramus auctoritate paterna de consilio et voluntate Abbatis et conuentus dicti Monasterij in wilhering prouide statuentes, vt, si per dictum dominum abbatem aut suos successores abbates ex temeritate vel negligencia memorata elemosina deputata consolacionibus iam dicti Conuentus minorata aut subtracta, quod absit, fuerit, tunc pro transgressione huiusmodi prima abbas dicti loci in wilhering soluet nostre Ecclesie X. libras, pro secunda exorbitatione, si euenerit, viginti libras similiter nobis dabit et si tercio similiter negligencia attemptata fuerit, in XXX. libras denariorum erit nostre ecclesie obligatus. Si vero sepedicta elemosina in suis distribucionibus, prout pretactum est, subtrahitur quarta vice, extunc prelibati redditus nostro Monasterio attinebunt. verum quia predicte littere ex quadam predecessorum nostrorum incuria ac negligencia super elemosina huiusmodi date et Scripte confracte fuerant penitus et delete, Nos frater predictus dictus abbas in Ebera predictas littaras super elemosina prefata Conuentuj ministranda de consilio venerabilium patrum coabbatum nostrorum videlicet domini Hainrici abbatis de Halsprvnne, Domini wisintonis abbatis in wilhering et Domini Stephani abbatis in alto vado necnon conuentus de wilhering decreuimus renouare confirmantes et ratificantes prescriptas litteras nostrorum appensione et munimine sigillorum. Datum et actum anno domini Millesimo Trecentesimo nono proxima feria tereia post Dominicam Jubilate.

Source Fulltext: OÖUB 5 (Wien 1868) S. 16-18, Nr. 14