Nos Eberhardus de Walsse, Capitaneus Judexque Prouincialis terre Austrie super Anasum, Annaque Coniux eins tenore huius scripti constare volumus vniuersis tam presentibus quam futuris. Quod aduertentes decursum status huius mundi momentaneum et caducum nostri cordis intuitum ad solidiora direximus mente voluendo sedula perpetuitatem temporum eternorum. Vbi quadam diuini amoris suaui dulcedine pregustata, tribudiosaque iocunditate gaudii spiritualis, Insedit animo transitoria in eterna conuertere, nec non terrena celestibus commutare, de bona voluntate nostrorum liberorum, Eberhardi, Hainrici ac aliorura Omniumque nostrorum puerorum et Heredum, Et de maturo nostrorum amicorum consilio, gracia sancti Spiritus inuocata, Pro nostra nostrorumque progenitorum ac successorum, sulute et Remedio animarum, in loco satis habili et apto, qui nunc vallis dei dicitur, laboriosa operatione in edificiis, personarumque locacionibus, ad laudem et gloriam virginis gloriose, incepimus construere et fundare filiorum dei habitaculum, in quo augeretur deuocio, et successiuis temporibus dilataretur numerus deuotorum, vt nobis quiescentibus eterne deuocionis filios habeamus, qui pro nobis die noctuque non cessabunt, nomen domini collaudare. Quem videlicet locum vallis dei matura deliberacione preuia Religioni Ordinis Cysterciensis deuota donatione obtulimus et sollempni, cum certis Redditibus, Octoginta libris annuatim soluendis, aliisque bonis mobilibus et immobilibus prout in litteris super hec confectis, sub plurimorum Nobilium terre Austrie Sigillis plenius continetur, adhuc firmo tenentes proposito, pro nostra possibilitate de die in diem ipsos Redditus augmentare. Ex nunc itaque eandem nostram plantulam Ordinamus iure filiacionis Monasterio in Wilhering subici, ipsam decetero de eius consilio ac Regimine cupientes secundum statuta Cysterciensis per omnia gubernari. Promittimus insuper memoratis domino abbati et Conuentui Monasterii in Wilhering ipsius nostre fundacionis incorporacionem a generali Capitulo sue Ecclesie nostris confirmare laboribus ipsosque a qualibet impeticione quorumlibet hominum et vexacionum gravaminibus in omnibus defensare. Vt autem premissa omnia Robar perpetue firmitatis optineant Reuerendo in christo Patri Domino Hermanno pro nunc abbati et conuentui suisque successoribus in Wilhering in Testimonium euidens has nostras patentes porrigimus litteras, Sigilli nostri mvnimine communitas. Datum anno domini Millesimo Tricentesimo, Tricesimo Sexto. In previgilia beati Mathei apostoli.

Source Fulltext: OÖUB 6 (Wien 1972) S. 215f., Nr. 210