Wir Graf Hainreich von Schavnberg veriehen Offenlich an disem brief vnd (thu^en khundt allen den), di in sehent, Ho^ernt oder lesent, Das fu^er vns vnd fu^er vnsern brůeder cho^emen ist der Erwirdig (herr herr Herman ze den zeiten) abpt datz wilhering vnd Her wernhart chelner da selben vnd der Erwerig wolbeschaiden Peter (poppe burger ze Efferding) vnd hat der selb Peter pope nach vnserm rat vnd nach seiner besten vreunt rat vnd (mit wolbedachtem Muet vnd mit gutlichem) willen vnd wort aller seiner Erben dem vor geschriben erwirdigen Herren abpt (Herman vnd dem Gotzhaus ze wilhering geben) dvrch sein recht notdu^erft vnd durch sein leibnar sein Hueb ze Strashaim (freylich vnd ledigclich on allen chrieg vnd ansprach), di Sein rechtz Erbaigen gewesen ist vnd di in von seinen vodern (an geerbt hat) also (mit beschaiden, das der egenant Abbt) Herman vnd das Gotzhaus ze wilhering di vorgenanten Hueb (ze Strashaim fu^erbas Ewigclich haben sullen) mit allen den rechten vnd (nutzen, die ze recht dartzue geho^erent ze holtz vnd ze veld, Es sey wysmat, pawngarten vnd Ägkern, wo die) gelegen sind, versuecht vnd vnuersuecht, durch di lieb vnd durch (die trew, das der vorgenant Abbt Herman vnd daz gotzhaws) ze wilhering den vorgeschriben peter poppen begnat haben mit (ainer herrn phru^endt, die sy jm verhayssen vnd geben haben) vntz an seinen tod in dem chloster vnd auch (durch ain Ewigs Sellgera^ett sein vnd seiner) Hausfrawen frawen Ofmein vnd Jansen seins Suns. wer auch, das iemand (khunfftiglich pessers recht jach vnd auch haben wolt auf der obgenanten Hueben), So geit der oft genant Peter Poppe (dem obgeschriben Abbt Herman vnd dem) Gotzhaus ze wilhering Sechtzich Phunt wienner Phenning auf der oft (geschriben Hueben zw rechter Satz vnd soll Er dann) des selben (Satz jr recht gwer sein) an aller der stat, (vnd jn des not geschiecht, Nach dem lanndes recht) ob der Ens, (Auch vergich ich obge(schribener Peter Poppe, das alles das (mit meinem gutlichem willen) vnd wort geschehen vnd vertaidingt (ist, das vor) an disem brief verschriben stet vnd lob (daz mit meinen trewen Also ze) laisten, stat haben vnd ze volfu^eren (on alles) geuarde vnd dar v^eber zu (ainer Ewigen, vesten vnd sta^etten vrkhunde) gib ich disen brief dem oft geschriben Abbt) Herman vnd dem Gotzhaus ze (wilhering versigelt mit meins obgeschriben) gnadigen Herren Graf (Hainrichen anhan)gundem Insigel vnd mit (dem meinen vnd mit meiner lieben freundt Innsigel) wernhart des Hager vnd (Albrecht vnd philips) der Alhartinger. Das (ist geschehen an sontag vor vnnser frawen tag ze der liechtmess Nach Cristj geburt Drewtzehennhundert jar, Darnach jn dem Newnvnddreyssigisten jar.)

Source Fulltext: OÖUB 6 (Wien 1972) S. 286f., Nr. 284