Ich Fridrich der (Tungossinger) vnd all mein erben (vergechen vnd) tu^en chund allen den, di disen brief sehent oder lesen horent, (das der ersam) her abt Wernhart ze Wilhering vnd di erbar samung da selbs (von) vns gelo^est vnd geledigt (habent) daz gu^et auf dem (Chuneinsperig), daz vnser satz ist gewesen (vnd dar) vber wier einen brief haben (gehabt), der verlorn ist. Waer, daz der selb brief furbaz indert funden (vnd fu^ertragen) wu^erd, von (wem daz gesche^ech, der schol) to^et sein vnd (chraft nicht mer) haben also, daz (wir noch) vnser erben vmb daz (egenant gu^et) dhain ansprach (ewigchleich) nymer mer haben schullen noch (mugen, vnd) dar vber ze vrchu^end gib ich in (disen) brief (mit meinem jnsigel, der geben) ist nach Christes gepurd drevtczechen (hundert jar vnd jn dem drew vnd fumftzkistem jar an dem mitichen) vor sand Michels tag.

Source Fulltext: OÖUB 7 (Wien 1876) S. 327, Nr. 321