Ich Dyemu^et die Landenbergerinn von Ro^etenekk vergich offenbar, daz ich vnd alle mein erben durch vnser sel hail willen mit gu^etlichem willen gestanden sein vnd lazzen haben nach piderber laeut weysung von der ansprach, die wier heten hintz den erbern geystlich herren vnd dem gotshaus ze Wylhering vmb einen zehent, ist gelegen auf dem acher der do haizzet ouf dem Mo^es in Greymhartsteter pharr also beschaidenleich, daz si den zehent fu^erbaz ewichlichen an allev vnser ierrung beru^ebt leichen schullen vessen vnd iren fru^em domit schaffen als mit andern iren gu^etern. Vnd tv^en auch ich vnd alle mein erben gaentzlichen fu^ertzicht daran mit vrchund ditz briefs, der versigelt ist mit meinem anhangunden jnsigel. Der brief ist geben drevtzehen hundert jar darnoch in dem sechtzigisten jar an sand Georigen tag des heiligen martrer.

Source Fulltext: OÖUB 7 (Wien 1876) S. 696, Nr. 690