Rudolffus quartus dei gratia archydux Austrie Styrie Karinthie dominus Marchie ac Portusnaonis comes in Habspurch Ferretis et in Kyburch marchio Purgavie nec non lantgafius (sic) Alsatie omnibus Christi fidelibus in perpetuum salutem in omnium salvatore cura noticia subscriptorum. Cum ex christiane professionis tradicionibus teneamus firmiter nos promereri salutem utriusque hominis, si religiosas personas jugiter militantes altissimo favore benevolo prosequamur, in hiis specialiter que eisdem a clare memorie nostris prioribus sunt concessa, constituti igitur in nostri presencia religiosi in Christo fideles nostri devoti abbas et conventus in Wilheringen ordinis cysterciensis Pataviensis dyocesis nobis humiliter supplicarunt, quatenus privilegium ipsis per dive memorie dominum Fridericum ducem Austrie concessum et postea per serenissimum principem dominum Růdolffum olim Romanorum regem nostrum proavum innovatum ratificare approbare et confirmare de principatuum nostrorum benivolencia solita dignaremur, cujus privilegii et confirmacionis tenor de verbo ad verbum inferius annotatur. Růdolffus dei gracia Romanorum rex etc. (wie am 13. Jäner 1277, Bd. III, pag. 459). Nos dictorum abbatis et conventus precibus favorabiliter inclinati dictum privilegium cum sua innovacione approbamus ratificamus et presentibus confirmamus volentes dictum privilegium cum sua confirmacione et contenta in eis singula suo gaudere vigore et in robore perpetuo permanere. Testes hujus rei sunt: Reverendi in Christo domini Go^etfridus Pataviensis Paulus Frisingensis frater Petrus Marcopolensis ecclesiarum episcopi, Johannes Medlicensis Clemens Scotorum Wienne monasteriorum abbates ordinis sancti Benedicti Pataviensis diocesis, magister Matheus de Esculo prior generalis fratrum heremitarum ordinis sancti Augustini et viginti tres in sacra scriptura magistri ejusdem ordinis, Meinhardus de Goricia palatinus Karinthie Ulricus de Schawnberg consangwinei nostri Ulricus de Cylia comites, Stephanus de Meyssau marscalcus Haidenricus de Meissow pincerna, Albertus de Pu^echhaim dapifer Petrus de Eberstorf camerarius et Wilhelmus de Chreuspach magister venatorum Austrie Eberhardus de Walsse de Linz Fridericus de Walsse de Styria Leutoldus de Stadek marscalcus provincialis Austrie Johannes de Traun capitaneus super Anaso Hainricus de Ratpach magister curie nostre Johannes de Lozperch magister camere nostre Wilhalmus pincerna de Liebenberg dispensator noster et plures alii fide digni. Et in premissorum testimonium perpetuum atque robur sigillum nostrum ducale pendi fecimus ad presentes. Datum et actum Wienne in vigilia diei penthecostes anno domini millesimo, trecentesimo sexagesimo secundo indictione XV. anno etatis nostre vicesimo tercio regiminis vero anno quarto.||
+ Wir der vorgenant herzog Rudolf sterken disen prief mit der underschrift unser selbs hant. +

Source Fulltext: OÖUB 8 (Wien 1883) S. 86ff., Nr. 85