Ich Symon hern Symons des alten richter sun von Ybs ich Margret sein hawsfraw ich Hainreich der jung Tryenasschel ir brueder vergehen, das wir uns mit dem erwirdigen geistleichen herren dem abbt ze Wilhering und mit der ersamen sammung daselbs vertaydingt und verricht haben umb di syben gu^et auf dem Dyetreichsperig also, das wir uns derselben gu^et ganczleich und gar verczicht haben tan, das wir noch unser erben chain ansprach hincz den egenanten herren noch hincz dem goczhaus ze Wilhering ewigleich nicht mer haben schullen. Daz di red sta^et und unczerbrochen beleib daruber geben wir in den brif gesigelten ich obgenant Symon mit mein anbangunden insigel und mit meins swagers Jansen des Schikchen von Wels anhangunden insigel, hinder di peder insigel verpint ich mich obgenante Marigret und ich Hainrich ir brueder alles das stet ze behalten und ze volfu^ern das oben verschriben ist wann wir nicht insigel haben. Der brief ist geben nach Cristes gepurd drewtzehen hundert jar und in dem drew und sechczzistem jar an sand Ulreichs abent.

Source Fulltext: OÖUB 8 (Wien 1883) S. 148, Nr. 140