Ich Margreth dye Eysenpergerin und all mein eriben vergehen, ... das wir ein gu^et derwarfen haben von dem erbern gotzhaus ze Wilhering, das gelegen ist an der obern Chagern in Watzenchircher pharr, und des wir uns nun verzigen haben ich vorgenante Margreth all mein erben, und da wir ein guten brieff umb gehabt haben von dem erbern gotzhaus den wir verlorn haben und nicht chu^enden vinden, darumb geben wir in den brieff dem erbern gotzhaus, ob diser brief ymmer mer fu^er cha^em von ir oder von irren erben, das der mit dem brieff to^ed sey und ab sey und chain recht nymmermer daran gehaben. Das in die red also stet und unverchert beleib, daruber geb wir im den offen brieff versigelt mit des erbern mans Ortolfs des Leyntner ze der zeit richter ze Everding anhangunden insigel. und mit des erbern mans Alrams von Staudech ze der zeit meinr herren richter von Schawnberch anhangunden insigel, wann wir aigens insigel nicht enhaben. Der brieff ist geben, do man zalt von Christ gepurd drewczehen hundert jar darnach in dem syben und sexchczisten jar an sand Matheus tag des heiligen zwelffpoten.

Source Fulltext: OÖUB 8 (Wien 1883) S. 338, Nr. 345