Nos frater Hainricus abbas monasterii in Altovado ordinis cysterciensis Pragensis dyocesis universis Christi fidelibus liquide presentibus publicamus, quod discretus vir Wernhardus Stain precher civis de libera Civitate noster singularis et fidelis promotor nobis et nostro prenominato cenobio cum suis propriis pecuniis emit et comparavit perpetui census quinque sexagenas grossorum pragensium denariorum monete publice in villa, que vocatur nominatim Seherleins sita prope Reychnaw teutanicale non longe distans de foro dicto Strobnycz. Eundem censum predictum in villa prescripta cum universis juribus et fructibus ac proventibus suis presentibus et futuris videlicet censibus redditibus steuris emendis robotariis exactionibus bernis regalibus aut propriis judiciis subvencionibus contribucionibus piscationibus silvis rubetis, pratis aquis aquarumque decursibus metis limitibus pascuis omnibus et singulis quibuscunque nominibus censeantur, cum vive vocis oraculo rite et rationabiliter ac legittime personaliter constitutus nostra in presentia coram sufficienti testimonio fratrum et seniorum nostrorum conventualium fide dignorum conventualium cum humili et devota supplicacione sanus suis sensibus cum racione sua perfecta loco hora tempore sibi et nobis convenienti et opportuno quo hec de jure licenter et potenter facere et ordinare cum plenaria potestate et voluntate valuit et potuit cum nostra plenissima voluntate expressa personali et consensu nostro totali sibi et omnium suorum progenitorum perpetuum in remedium libere et absolute fideliter et devote manifeste testavit, cum pleno testamento dedit donavit legavit pure propter Deum nostro laudabili conventui in Altovado ad officium pitancie perheniter tollendum possidendum recipiendum recolligendum in usus proprios et necessarios convertendum annis singulis perpetuis successivis seculi temporibus absque cujusquam viventis hominis impedimento. Ne igitur nostro collegio monasterii prelocuti in Altovado in futuro tempore in hoc presenti testamento facto rite et racionabiliter aliqua quecunque, quod absit Deo avertente fiat et contingat fraus violencia et prejudicium per nos aut per nostros futuros successores abbates jam sepe dicti loci vel visitatores nostros qualibet ex causa emergente undecunque, ideoque ipsi congregacioni domus nostre prefate in evidens testimonium robur et cautelam presentes paginas tradimus observandas et publicandas, si necesse fuerit cum nostri sigilli de nostra certa sciencia appensione firmiter et munimine roboratas, obnixe humiliter et devote debita cum reverencia obediencia filiali una nostro cum sepedicto conventu flagitantes reverendum in Christo patrem et dominum dominum Andream abbatem venerabilem in Wilhering nostrum visitatorem gratiosum cum sua honorificabili congregacione, quatenus amore nostri majoris ob roboris firmitatem in munimentum singulorum prescriptorum ob mutue vicissitudinis complacentiam et indigentiam presentibus sua sigilla largiter hic appendant. Insuper nos frater Andreas ,abbas totusque conventus cenobii prelocuti in Wilhering patres ac visitatores veri et legittimi a primeva fundacione nostre predilecte filie monasterii supradicti in Hohenfurt per ipsos instanter pie et humiliter rogati et requisiti et ipsorum communibus supplicacionibus et postulacionibus rationabilibus devotis necessariis inclinati et provocati cum nostrorum sigillorum in hac pagina unanimi et deliberato consilio et consensu nostro appensione omnia et singula suprascripta pollicita legata testificata facta et acta quomodocunque vel qualicunque auctoritate visitatoria nostra perhenniter rata et grata inviolabiliter indicantes et per nos et nostros successores fideliter et firmissime approbantes. Datum et actum anno domini millesimo trecentesimo (sexagesimo octavo) Lxviij° in die purificacionis sancte Dei genitricis virginis Marie.

Source Fulltext: OÖUB 8 (Wien 1883) S. 360ff., Nr. 368