Ich Wolfhart und ich Hanns, payd pruder die Chresling von Rudolfing und all unser erben vergehen/ und tun chund allen lewten mit dem brief, die in sehent oder horent lessen, das wir recht und redleichen/ chaufrecht zw chawffen haben geben Mathes dem Postlein und Margreten seiner hausfrawn und aller paider/ eriben auf unserm gutt zw Rudolfing und ist gehaissen daz Totter lehen umb trew phunt phennig, der wir/ gancz und gar gewert sein und haben in dar zw geben mitt ausgenomen warten den akcher an dem Weinperig/ pey dem Katherlein und dy leyten in der Pachleiden und den akcher auf der Darnditten, [und den] akcher pey dem Wibdmgater; und mag mit dem haws und mit den nuczen dye vorgeschriben sind allen seinen [frumen] da mit geschaffen,/ mit verseczen, mit verchawffen, also mit unserm guetleichen willen. Wer aber, daz daz er seinew recht wolt verchawffen,/ so schol er nicht mer geben zw anwart denn sechs phennig und wer auf vert auch sechs phennig. Wir sein auch/ des vorgenanten chauffrecht ir [furstand] und und ir herren und ir gwer, wo in der nott geschicht mit dem rechten;/ uns schol auch Mathes der Postel und sein eriben (jari) jarleichen dinnen drey schilling wienner phennig an unser frawntag zw der dinstzeit unverzogenleich und virczyg aier, zwen ches, yeder umb zwen phennig […] wia-/nachten [sechs] phenwert prot und zwey hu/enr zu voktrecht dem edlem herrn herrn Eberharten von Kappell und/ stewr von gnaden. [Und] daz dew [red] stet und unzebrochen beleib, dar uber geben wir im den brief versigilten/ mit meines pruder Hannsen anhangunden insigel und des erben weysen [mann] Petreins dez Rewter anhan-/ gundem insigel, den ich vorgenanter Wolfhart Chresling fleissichleichen gepeten han zw einer zeugnuss, im und/ allen seinen eriben an schaden; dar under will ich mich verpinden mit mein trewn alles daz stet ze haben, daz/ daz vor geschriben ist, wann ich dew zeyt nicht aygens insigel gehabt han. Der brief ist geben, dan man zalt von christi gepurd vierzehenhundert jar dar nach indem dritten jare an des nachsten mitichen nach unser/ frawntag ze der liechtmesse.