Ich Alban der Ru/edlinger, mein hausfraw Barbara, Margret ir swester, Hainreichs des Ofen saligen to/echter, und all ir/ mit eriben verjehen unverschaydenleich mit einander und tun chund offenleich mit dem gegenburtigen brif allen lewten,/ die in sehent, ho/ernt oder lesent, daz wir von dem erwirdigen geistleichen herrn abpt Jacob ze Wilhering ein brif gelo/est/||
Haben, den im Hennsel der Jo/eriger, her Helmharts sun geben hat, der da sagt auf die hub ze Obern Pachaim genantt/ die Rawscher hu/eb, gelegen in Ofteringer pharr, darumb wir uns mit im und dem gotzhaws frewntleich gericht und/ vereint haben. Wêr aber ob den vorgenanten herren abpt Jacob und daz gotzhaws ze Wilhering von des guts wegen/ ichts an gieng mit dem rechten, daz sullen sew haben datz uns und unsern mit eriben und dar zu auf der obgenanten/ hu/eb und des sullen wir ir furstand und gwern sein als des lanndes recht ist ob der Enns und sach sind zewg/ und taydinger gewesen her Andre, die zêit pharrer ze Schonnhering und Fridreich der Rot und Peter der Rewter und/ Peter der Tullinger und des alles ze urchund und pesrern sicherhayt geben wir dem vorgenanten abpt Jacob und dem/||
gotzhaws ze Wilhering den brif besigilten mit meins obgenanten Alban des Ru/edlinger anhangundem insigel/ und zu einer pessrern sicherhayt mit der erbern Sigmund des Schifer ze Freyling und Wolfgang des Chresling,/ die zeit phleger ze Churnberg paider anhangunden insigeln, in payden und iren eriben an schaden, die wir fleitzz/ darumb gepeten haben, daz si irew insigel daran gehangen haben. Geben nach christi gepurd vierzehen-/ hundert jar darnach in dem funftem jare des phintztag in den vier tagen der vastten.