Ich Eberhart von Kappelln bekenn fur mich und all mein erbn und nachkomen und tun kunt offenlich mit dem brif umb den zehend auf/ den hernach geschriben gu/ettern: von erst auf des Hechkleinsperig, auf des Phlugleinslehen (sein), auf des [Rosenchranzen]lehen und auf des/ Pewntner hofstat, auf des Hakner hofstat, auf des Aygner hofstat und auf des [Porczen] gut, uber all ganczen zehend; item auf des [Galtermair]-/ gut und ze Nydern Chetzing halben zehend und auf dem Chellermayr hof drittail zehend mit aller seiner zugehorung, gelegen im Terenpach/ in sand Ullreichs pfarre under dem Ku/ornwerg, der von meinen vordern und mir zu lehen gewesen ist; also hab ich angesehen meru[ng]/ des heiligen gots dinst meiner vordern, mein und meiner nachkomen sel hayl und hab den erwirdigen geistlichen herren, dem abbt zu Wilhering/ und dem convent daselbs da durch und von sunder lib und gunst, die ich zu dem vorgenanten gotshaus hab, die gnad getan und hab in den/ vorgenanten zehend mitsambt seiner zugehorung gefreyt und geaygent wissentlih mit kraft dicz brifs und darub hab ich mich der lehnschaft/ und was ich rechtens darauf [behabt,] nichts darinne ausgenomen, [genczlich] und gar verczigen wissentlich mit dem brif [alles das] ich/ nach all […, Anm. ganze Zeile durch Bug abgeschnitten]/ vordrung […] nicht mer haben noch gewinen sulln noch welln in [khainer]lay weis angeverd und sulln und mugn [auch] denselbn/ zehend in […] gewer inne haben, nuczen und nyssen und allen irn frumen geschaffn und damit handeln und tun nach allem irm willn/ zu gleicher weys als, mit anderm irm gotshaus aygen gut und sullen darinne von mir und meinen erben und nachkomen chain irrung/ haben in [khainerlay] weis angever, mit urkund des brifs versigltn mit meinem angehangen insigl, des ist zeug mein diener/ Sighart der [Ponhalm] […], im und seinen erben an schaden. Geben an eritag nach dem palm tag nach/ kristes geburd [vierzehen hundert und in dem funfften jaren].