Ich Peter Maschenrigel vergich fuer mich und mein eriben offennlich mit dem brief und tün kund allen leuten, daz ich mit wolbedachtem mu/et zu der zeit,/ do ich es mit recht wol getun machtt, gemacht und geben han meiner hawsfrawn Barbaren, Johannsen des Stengleins tochter von erst mit meins gruntherren/ hant des erbern herren hern Hanns des Gunderstorffer, chorherr und sichmaister des gotshaws unser frawn ze Newmburg klosterhalben anderhalb haws/ und anderhalb hofstat wei[ngarten] daran gelegen am griez ze nagst dem Paltinger, doman von dem haws und hofstat alle iar di/ent in daz sichaws/ virczehen phennig […] tag und funftzehen phennig an sand merten tag und drew hochczeit huner und ain helbling ze voytrecht/ an sand marx tag […] haws und hofstat dabey siben phennig an sand michels tag und achtt phennig an sand merten tag/ und ain (art) an sa[nd] […] [v]ogtrecht und ain halb phunt gelts ze uberczins, alz der selb brief lautt und ain rahen weingarten auf/||
dem Auerfeld ze […] […lein], doman alle iar von dint in daz sichaws achthalben phennig an sand michls tag und ain (art) an/ sand marx tag […] halben e(i)mmer weins fuer perkchrecht und fuer zehent in der chorherren spital und ain rahen/ weingarten in […] ze nagst dem Wuerm, doman alle iar von dint in daz sichaws virdhalben phennig an sand/ merten tag ze[…] [a]nderhalb rahen weingarten im Pregarten ze nagst dem We/ahinger, doman alle iar von dint/||
in daz sichaws […] an sand merten tag und mit des erbern herren hant hern Petern des Tuczen, chorherr und oblay-/ maister dez eg[enanten] […] unser halbs jeuch weingarten in der Ziegelgru/eb, genant dacz We/ahinge/arl ze nagst dem Lampfleisch,/ doman alle [iar dint] […] anderhalben emmer weins ze perkchrecht und drey phennig ze vogtrecht und zway phunt/ gelts ze ubertz[ins] […derselb] brief lautt und mit des erbern mans hant Johannsen bey dem Tor, statrichter und perigmaister/ des gotshaws […] weingarten am Gebling ze nagst dem We/ahinger, doman alle iar von dint dem egenanten gots-/ hausse Newn s[…] perkchrecht und drew art ze vogtrecht und nicht mer. Die egenanten gueter alle hab ich gemachtt und/||
geben meiner haw[sfrawn] […] also beschaidennlich ob sy mich uberlebt, daz sy damit allen irn frumen schaffen sol, verchauffen,/ versetzen schaff[en machen und] geben, wem sy will an irrung. Gett sy mit dem tod ab, ee denne ich egenanter Peter, so sullen die/ gueter mein sein […] meinen frumen damit ze schaffen nach meinem gevallen an irrung und des ze urkund gib/||
ich den brief vers[igilten] […] der egenanten gruntherren und perigmaistern insigiln und mit des erbern mann insigil Lienharts/ des Knawr, den wir der sach zeug beten haben, im an schaden. Der brief ist geben nach kristi gepuerd virczehen hundert iar/ darnach in dem funften iar an sand urbans tag.