Charter: Urkunden (827-1854) 1406 V 07
Signature: 1406 V 07
Add bookmark
Edit charter (old editor)
7. Mai 1406, o. O.
Wernhart der Perndorfer und seine Hausfrau verkaufen dem Gotteshause zu Greimesteten ihr freies rittermäßiges Eigen das Gut zu Prawtanbeg gelegen in Greimesteter Pfarre und Walssenberger Herrschaft.Source Regest: Regestenbuch Wilhering Nr. 940
Current repository:
Stiftsarchiv Wilhering (www.stiftwilhering.at)
Stiftsarchiv Wilhering (www.stiftwilhering.at)
Siegler: Wernhart der Perndorfer, sein Schwager Symon der Aeschpein und Ewtachker der Volchrat. Siegel abgefallenMaterial: Pergament
Condition: gut erhalten
Ich Wernhart der Perndorfer, mein haẅsfraẅ und all unser erbenn gegenburtig und chẅmftig, wir vergehen offenleichen mit dem/ prieff und tẅn chwnt allen den, die den prieff sehent, hornt oder lesent, daz wir mit wolbedachtem mẅet und mit gẅetem willen/ all unser erben und pesten freẅnt rat und gwunst, aẅch zẅ der zeit und weil, do wir es mit recht wol getun mochten, recht/ und redleich verchaẅft und zw chauffen haben geben dem erbern gotzhaẅs zẅ Greimesteten zẅ einem rechten chaüff nach landes recht/ unser gẅet genant zẅ Praẅtanbeg, daz freis, rittermessig aigen ist mit aller seiner zẅegehorwng, wesucht und unbesuecht nuczz/ da von aẅs gezogen, gelegen in Greimesteter pfarr und in Waessenberger herschaft, daz hab wir dem erbern goczhaws geben umb/ ein gelt, dez uns wol genẅet und dez uns der zechmaister an dez goczhaẅsstat schon gancz und gar gericht und pezalt hat zẅ/ rechten taegen an all unser scheden; wir haben aẅch daz obgenant gẅet mit all seiner zẅe gehörwung dem zechmaister geantburt/ aẅs unser nẅcz und geber in dez goczhaẅs nẅcz und geber mit all der staet, die dar zẅe gehort und daz goczhaẅs dar uber/ pedarf und twn aüch uns und all unser erben dez obgenanten gẅecz gancz verzeichẅmb mit dem gegenbẅrtigen prieff,/ daz wir weder mit recht, noch an recht nuzz mer da gegen zẅ sprechen schüllen haben. Wir sein aüch dez chaüfs/ und dez gwecz wir und unser erben dez goczhaws rechter geber, scherm und furnstant fwir all ansprach an all der stat wo sein/ nowt und dwrft gesiecht, also chawf freis aigens gwet recht hat in dem lant ob der Ens. Und ging aber dem goczhaws/ an der gebe/rschaft icht ab, waz man dez rechtleich scheden nem, den der zechmaister gesprechen moecht pey seinen trewen an aid und/ ungesboren, den selben schaden allen schwll wir dem goczhaẅs allen ablegen und wider chern gancz und gar und schol man daz haben/ dacz uns und unseren trewen und dar zwe aüf aller unser hab, wesüecht und unbesuecht, daz dem ogenant goczhaẅs der chaẅf/ und deẅ red und dew handelung allew sand staet und unzebrochen peleib, dar uber geben wir den prieff versigelt mit meinem/ aigen anhangunden insigel und mit meins lieben sbager Symon dez Aeschpein und Eẅtachker dez Volchrat ir paider anhangunden/ insigel zẅ gwueter gezeẅgnwis dwrch unser vleizzigen pet willen, in und iren erben anschaden; under dew sidel allew verpint/ sich mein hausfraẅ und all unser erben mit iren treẅen an aides stat, alles daz war und staet zẅ haben, daz an dem/ prieff verschriben ist. Der prieff ist geben am freita nach sand floriantag nach christe gepurd virzehen hundert jar/ und in dem sechsten jar.
Original dating clause: am freita nach sand floriantag
Comment
Anmerkung, dass es sich um einen Kaufbrief handelt auf der RückseiteLanguage:
Places
- o. O.
Wilhering, Stiftsarchiv, Urkunden (827-1854) 1406 V 07, in: Monasterium.net, URL </mom/AT-StiAW/Urkunden/1406_V_07/charter>, accessed at 2024-05-08+02:00
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
You are copying a text frominto your own collection. Please be aware that reusing it might infringe intellectural property rights, so please check individual licences and cite the source of your information when you publish your data
The Charter already exists in the choosen Collection
Please wait copying Charter, dialog will close at success