Ich Andre der Singer von Chalnperg, die zeit hofmaister dosselbs des gotshaws unser frawn ze Klosternewnburg vergich und tun kund/ offenleich mit dem brief, das fur mich kom, da ich sazz an offem rechten, der erber Hanns der Kressling und chlagt mit vorsprechen an des/ gotshaws stat von Wilhering, wann er volln gwalt het ze klagen ze flust und ze gewin umb zway phunt gelts versessens purkch-/ rechts nach des gotshaws von Wilhering urchund brief sag hincz ainem pawmgarten [gelegen] dacz Ch[aln]perg in der [grossen] aw ze/ nachst dem pawmgarten der Jacoben dez [gelaichs …] gewesen ist, doman alle iar von dint dem gotshaws unser frawn ze Newnberg/ in iren hof ze Kalnperg drezzig wienner phening ze gruntrecht an sand Mertens tag [und nicht mer] und chlagt […] dem benanten/ pawmgarten umb die zway phunt gelts versessens purkchrechts nach des gotshaws urchund brief sag und pat darumb gerichts/ und fragen, was recht wer; da fragt [ich, umb de wart] ertailt zu dem rechten, ich solt Albrechten dem [Zettter], statrichter ze Wienn ain/ furbot lassen werden [wann er die …] pawmgarten an nucz und gwer sazz und darzu allen […] dann jachen kasten/ und viden, ob den pawmgarten ymant [wolt verantwurten] und den versessen dinst ausrichten, [so] geschich darnach was recht wer;/ das furbot wart gesagt [ze rechter] zeit allen den man ez ze recht sagen solt und […] ze recht solt und das/ wolt niemant […], da klagt der egenant Hanns Kresling an des gotshaws stat von Wilhering als lang das im/ [Anm. Zeile verwischt bzw. durch Bug unlesbar]/ scheczen und ze […] darnach wider fur […] und sagten […] […]schaft als si zu recht sollten, daz/ der benant pawmgarten nicht als […] wer, als daz versessen purkchrecht die […] und […]nndel die […]recht darauf ertailt/ […] da pat der egenant Hans [Kresling] aberso fragen, was nu darnach recht wer, da […] dem rechten erchant, ich solt/ die gwer des pawmgarten inn haben virzehen tag in der zeit Albrechten dem Zetter und allen den, die rechtens daran jahen/ anpieten, wollten sy sich mit Hannsen dem Kresling als sein chlag stund [nicht] richten, so solt er […] recht darumb geben,/ das hat er getan und solt ich nu der rechten mein behab brief geben, daz hab ich alles volpracht, wann sich nyemant mit im ver-/ richt hat, also das der egenant Hanns Kresling an des gotshaws stat von Wilhering mit dem pawmgarten […] frumen/ schaffen sol mit verchauffen, mit verseczen und geben, wem er will an irrung, alz ez dem oftgenanten gotshaws ze Wilhering/ am pesten fugund ist, mit urchund des briefs gib ich in versigilt mit des erwirdigen geistleichen hern insigil herrn Albrechten,/ probst unser frawn gotshaws ze Newnburg, das er gehabt hat die weil er obrister kelner gewesen ist […] nicht/ insigil hab und ich in darumb vleizz gepeten hab, im an schaden; auch ist der sach geczeug [mit sein insigil] der erber Seyfrid/ der Lampp, purger ze Newnburg, im auch an schaden, wann im der hanndel ist kund und andern erbern lewten. Der brief ist/ geben nach krist gepurd virczehenhundert jar darnach in dem zehenten iar an sand jacobs abent dez heiligen zwelifpoten.