Ich Chunrad, dy/e zeit richter und amptman meins gnedigen herren abt Jacob zu Wilhering vergich, das an dem heutigen tag, als der/ prief geben ist, da ich an dem rechten gesessen pin zu Wilhering in dem gotzhaus fur mich chomen ain fraw genant Anna, Mend-/ leins Verigen saeligen tochter und chlagt mit vorsprechen auf ain halbs urfar, das da gelegen ist gegen Ottenshaym uber das/ wer ir vaterleich erib und begert darumb rechtens dawider choem in antwurt mit vorsprechen Margareth, des genanten/ Mendleins verigen weib und sprach dasselb urfar hiet ir wirt ir und irn chindern lassen und hieten darauf hawsrawm und sessen/ des pey nucz und gw/aer, da choem mein vorgenanter herr abt Jacob auch fur mit seinem redner Hainreichen Viechtenstainer/ und begert rechtens und sprech, das urfar mit aller seiner zu/egehorung und was sein gotzhaus hiet, das we/ar alles sein und/ seins gotzhaus freys aigen und gehell darauf nyemant weder eribrecht noch hausrawm noch chainerlay rechten; so wurd/ dan derweist mit prieffen, dy von ym und von seinem gotzhaus ausgiengen, also ward den frawn paiden zugesprochen, ob sy/ anhellig wern auf den tag ains vollen rechten darnach, der ain ob sy icht hiet prief umb ir vaterleich erib als sy sprech/ und der andern ob sy icht prief hiet umb hawsrawm und umb nucz und gewer, als sy sich ruemet; dy veriahen paid auf den/ tag ains vollen rechten darzue, das sy von dem gotzhaus nicht prief hieten, da begert mein vorgenanter herr abbt/ Jacob und sein redner darumb fragen an das erber geding seid er nichtes derweist wurd mit prieffen und er auch/ chainerlay rechten darauf nicht gehel, ob er sich icht pilleich underwinnd seins urfars und stiftet das nach sein und seins/ gotzhaus nucz und gevallen; also fragt ich egenanter Chunrad, richter meins vorgenanten herren redner auf sein aid, was/ in darumb recht daucht, der dertailt auf sein aid seid dy frawn paid veriehen das sy von dem gotzhaus nicht prief hieten/ und doch anhellig weren auf den tag ains vollen rechten und inn auch mein vorgenanter herr von des gotzhaus wegen/ chainerlay rechten darauf nichtes gehell, so mocht er sich seins urfars wol underwinden und dasselb stiften nach seins gotzhaus/ rechten notdurft und gevallen, damit landt und lewt gefudert wurden; hiet aber hinfur dawider yemant icht ze sprechen der/ taet das als recht wêr, des wird meinem vorgenantem herren verfolgt von dem vorsprechen der ain frawn Mendleins to/echter/ genant Wernhart von sand Peter darzue von dem erbern ganczen geding des pat mein vorgenanter herr ain gericht prief, der/ ward ym auch verfolgt. Da sind an dem rechten gesessen dy erbern Chunrad Walich, lantrichter ob der Enns, Symon Espein, Wil-/ halm von Newndling, phleger zu Obernwalse, Hainreich Cappllan, phleger zu Eschlberch, Fridreich Ruedlstorffer, Wolfgang/ Aczpekch, phleger zu Churrenberch, Larencz Volchra, phleger [ze] Ottenshaym, Hanns Sengawer von Walting, Hanns Chressling/ und ander erber lewt genu/eg. Das ist geschehen und auch der prief geben nach christi gepurd virzehenhundert jar/ und in dem newnzehentem jar des suntags nach der heyligen drey chunig tag und versiglt mit der erbern Chunrad/ Walich, lantrichter ob der Enns, Symon Espein, Wilhalm von Newndling, Hainreich Capllan, Fridreich Ruedlstorffer, Wolf-/ gang Aczpekch, Larencz Volchrat, aller aygen anhangunden insygl, dy ich vorgenanter Chunrad richter zu merer gedachtnu/ezz und/ sicherhait der behabnuzz fleyzz darumb gepeten hab, wen ich nicht aigen in sigl het, ynn und irn erben an schaden.