Ich Jorig der Schadegast, die zeit amtman ze Klosternewmburg auf des hochgeboren fursten guet herzog Albrecht, herzog ze Osterreich etc. meins genëdigen herren/ bechenn offennleich mit dem brief und tun kund allen den, die in sehent oder horent lesen, das fur mich kom vor offen gericht, da ich an dem rechten sas, Sche/owl, jud/ von Zysterstorf und klagt vor mein [mit vorsprechen] nach des sa[czspru]chs sag gegen ainen drittail ains hawss, garten und hofstat weingarten hinden daran und was/ mit recht darzue gehort, gelegen in der Weitengassen zu nagst Chunrats des Swaben haws und das Kristein seligen, Wernharts dez Schrikcher hawsfraw dem vorgenanten/ juden versatzt hat und daz ir gevallen ist gegen irn geswistrey den Fridreich se/aligen dez Habscher ennynkl und do man alle jar von dient dem fursten in Osterreich ze grunt-/ recht sechs und zwainczigk phennig an sand jorigen tag und sybenchalben und zwainczigk phennig an sand michels tag, als das mit alter darauf herkomen ist und/ nicht mer; da klagt der egenant jud gegen dem vorgenanten hauss, garten und hoftstat weingarten hinden daran mit aller zuegehörung umb achczehen phunt wienner/ phennig haubtguts und umb allen den gesuch, der in dem dritten jar darauf gangen was nach des registrum sag und rat gerichts und vragen, was ein recht wer […]/ vragt ich umb da ward ertailt zu dem rechten ich solt mit meinem vronpoten furbar darumb widervarn lassen allen den die rechtens daran haben wollten kristen/ und juden, ob daz [ye]mant wolt verantwurtten; so geschech nach klag und nach antburtt was recht wer, das furbot ward gesagt Wernharten dem Schrikcher von/ […] wegen das im [sein] hawsfraw Kristein ge[…] nach demselben furbot chom nymant auf [anttwurt], der daz egenant haws, garten, hoftstat weingarten/ hinden [daran] […] / gerichts und vragen was recht […] ertailt seind datz nymant fur recht auf antburtt komen wer, ich solt die gwer dez benanten hawss, garten und hofstat/ weingarten hinden daran [virczehen tag ] innhaben und im [der zeit nach ainem] anpieten, alle die rechtens daran jechen, kristen und juden, ob daz yemant nach wolt [verantburten]/ [von] dem juden, so geschech nach was [recht] wer; wolt sich aber nymant mit im richten umb daz obgenant haws, garten, hofstat weingarten losen umb haubtgut und den/ gesuch nach dez puchs sag, so solt ich dem vorgenanten juden des benanten hauss, garten, hofstat weingarten daran gewaltig machen und an nucz und gwer setzen furbaz/ allen seinen frumen damit schaffen und solt im der rechten meinem pehabrief geben; daz hab ich alles getan, wann sich […] im verricht hat darumb solt […]/ meine recht geben, daz hat er auch getan mit urkund dez briefs darnach hab ich vorgenanter Schebl, jud von Zysterstorff das egenant haws, garten, hofstat weingarten/ hinden daran mit aller zugehorung und mit dem gruntdienst, der darauf ist verchaufft und geben umb virczig [phunt] wienner phennig, der ich gancz und gar ver-/ richtt und gewert pin ze rechten tagen dem erbirdigen geystleichen herren abbt Jacoben des klosters ze Wilhering und dem ganczen convent doselbs furbas allen irn/ frumen damit tze schaffen mit [verchawffen,] verseczen, schaffen machen und geben, wem sie wellen an [irrung] als dem gotzhaus und dem ganczen convent am aller/ pesten fuegund ist. Ich pin auch vorgenanter Schebl, jud des [ir rech]ter gwer und scherm fur all anspruch nach dem lants rechten in Osterreich und was in mit recht daran/ abget, chrieg oder ansprach davon […], das sol ich in alles ausrichtten und widerchern und sullen sy das alles haben auf mir und meinen eriben und auf alle dem guet,/ datz ich hab, nichts ausgenomen, ich sey lembtig oder tod; und gib ich vorgenanter Jorig Schadegast in den brief daruber versigilt und bestett von baide der behabten rechten/ und von dez chauffs wegen mit meinem angehanigen insigill; darczue haben wir vleizzl gepeten den erbern man Leupolten den Floczer, purger doselbs ze Newmburg, daz/ er der sach gezeug ist mit seinem anhanigen insigil, im und sein erben an schaden. Geben am freytag nach mitter vasten nach kristi gepurd virczehen hundert/ jar darnach in dem zwanczigsten jar.