Ich Engelhart Gruber vergich fur mich, mein hawsfrawn und all mein [eriben und thun chund offenleich] mit dem brief allen lewten, dy in/ sehent, hornt oder lesent, das ich mit wolbedachtem mut, nach rat, gunst und [willen unserr nachsten erben] und frewnt und tzu den/ czeiten, do wir es mit recht wol getun machten, recht und redlich geschaft und [geben haben …] unser mul genannt dy/ Maricharn mul, dy unser freys aigen ist, gelegen in Sand Mertten pharr und in Wechsenberger herschaft mit aller irer zugehorung/ ze haws, ze veld, ze holtz und ze wysmad, als dy von alter herchomen [und dy] selber inne gehabt und genossen haben durch unsers/ und unserer vorvadern und nachkomen selen trost und hail willen [den erwirdigen und] geistleichen herren herrn Stephan, abbt und dem/ convent unserer frawn gotzhaws ze Wilhering, da pey dy benant […] beleyben und verczeihen uns auch der unver-/ schaidenleich mit rechter furczicht, das wir, unser erben oder [ander yemand von unsern] wegen hinfur ewigkleich chain vodrung noch/ ansprach darnach haben noch gewinnen sullen chlain [noch gross in chainerlay] weys angevarde, sunder das sy damit tun und/ lassen mugen, wie sy verlust, als mit anderm irem [aygen] gut, das ist unser guttleich will und wartt, in solicher beschayden,/ das sy uns, unsern vorvadern und nachkomen jarleich [schullen vegen ainen] jartag an sand Sixt tag oder aines oder zwayer/ tag vor oder als vil hinnach und desselbigen tags [schullen … werden] mit vischen und weyssem prot zupessrung/ irr pfrund und das sy denselben tag dester andachtigleicher pegen […] und andern andachten nach irs ordens gewon-/ hait und das sol man in ausrichten aus der bursen; wurd aber [der jartag nicht] volpracht, als oben begriffen ist, so schol/ sich der pharrer von Sand Mertten der vorgenanten mul mit aller [irer zugehorung underwinden] und als lang innhaben und nuczzen/ und davon pegen uncz das volpracht wirt was, versaw[mbt] […] dan […] [an allen] krieg, irrwng und hindernuss/ hinwider dem vorgenanten gotzhaws ze Wilhering gevallen; wir sein auch der ege[melten] […] [geschefts] ir recht gwer und furstand/ fur all rechtleich ansprach, als oft in des not und durft geschicht nach dem [lannde ob der Enns]; des zu ainer waren/ urkund und gezewgnuss geben wir dem obgenanten abbt und dem convent [und irem gotshaws] ze Wilhering den brief versiglten/ mit meinem anhangunden insigel und zu [merer] gezewgnuss mit meins lieben vettern Heinreich des Gruber und meins lieben/ swager Wilhalm von Newndling payder anhangunden insigeln, dy ich darumb vleizz[ichlich] gepeten hab, in und iren erben an/ schaden, der geben ist nach kristi gepurd vierczehenhundert iar darnach in dem vier und zwaynczigistem jar an sand/ Pawls tag zu der becherung.