Ich Michel Zehentner, burger zu Grieskirichen und ich Magdalena, sein hawsfraw, wir vergehen fur uns, unser eriben und fur unser lieb brueder und sweger/ Steffan und Thaman, dy die zeit bey dem lanndt nicht gewesen sein, da fur wir uns wissentleich in kraft des gegenburtigen briefs angenomen haben,/ und tuen chund allen den, dy den brief sehent oder hornt lesen, gegenburtigen und kunftigen, das wir recht und redleich zu kawffen geben haben nach/ der stat rechten unser haws und hofstat, gruntt und poden mit aller seiner zuegehorung, als das allenthalben vor […] und nebenn mit marichenn/ ausgeczaigt und von alter herkomen ist, besunder mit ganczer mawr zu nagst Wernharten des [Holczn] haws und mit halber mawr zu nagst des Gatringer/ haws und ist gelegen zu Everding in der Smid gassen czwischen der obgenanten paider heyser, da von man jarleich zu purkchrecht gibt in das gericht zu/ Everding an sand Niklas tag funfthalben wienner phening, da mit wir haben aufgeben und sy genomen verkawft haben dem erwirdigen geistlichen herren/ herrn Ulreichen, dy czeit abbt zu Wilhering und dem ganczen convendt des selben goczhaws umb ain suma gelcz, der uns von in wolbenuegt hat und der/ zu rechter czeit gancz beczalt sein an all schaden. Wir haben in auch das obgenant haws und hofstat, grunt und poden mit aller seiner zuegehorung, als oben ver-/ schriben ist, zu statem kawff und […] furczicht mit [perneffenn] purkherrn und gerichts [hanndten ein geantwurtt], ubergeben und bestatt aus unser nucz/ und gewer in ir nucz und gewer, […] das furbaser schullen innen haben, nuczen und niessen, damit hanndln tuen und lassen, verseczen oder verkawffen, schaffen/ machen und geben, wem sew verlust […] unser und manigkleichs. Wir sein auch des […] des benanten haws und hofstatt, seiner/ zuegehorung ir recht [gewern und furstand fur] alle rechtleiche ansprach, wo in des not [beschiecht] als solichs […] purkch[…] […]/ ist ungeverleich. Gieng in […] irs obverschriben […] mit dem rechten […] ab oder […] in chaynerlay [krieg oder irrung]/ darinn auferstuendt, wie sich [das fueget und den] […] des sy zu schaden [komen], den selben schaden all czu sambt irm obverschriben kawf und gewer-/ schaft schullen und wellen [wir in gancz und gar] ausrichten [und widerchern] an all ir [mue und] scheden und sullen sy das alles haben und [bekomen],/ dacz uns, unsern eriben und trewn darczu unverschaidenleich auf allem unserm anligunden und varunden gut, so wir uberall indert haben, gewinnen/ oder hinder uns lassen […] das […] oder wie das ge[nant ist], darinnen nichtz ausgenomen da hin schullen sy an aller stat umb iren kawff, gewerschaft/ und scheden allew ire rechten [geistleich] und weltleich erlangt und behabt haben; wir, unser erben oder wer das von unsern wegen tett gancz unrecht/ und verloren an alle widerred, wie das [furkumbt], das zu urkund geben wir in den brief besigelten mit der edln und erbern Cunnraten Ekker, dye czeit/ richter zu Everding und Wolfgangen von Hilkering, dy czeit lanntrichter ym Aschachwinkcln, ir baider anhangunden insigeln, die wir mit vleys darumb/ gebeten haben, in und iren erben an schaden; under die insigl wir uns obgenanter Michel und Magdalena und fur unser obgenant brueder und sweger und/ all unser eriben mit unsern trewn in aydes weyse verpinten, alles das war stet ze halten, das an dem brief verschriben ist, der geben ist an mantag vor/ sand Thamans tag nach kristi gepurd virczehenhundert jar und darnach in dem virczigkisten jare.