Ich Wilhalm, weylendtt zu Raffoltting gesessen auff dem Steghoff, Thoman des Mayr sun von Staudach und ich Ann, sein hausfrau, wir vergehen offenn-/ leich mit dem brieff für uns und für all unser eriben, frewnndt, helffer und günner und tün künd allen den, die in sehent oder hörent lesenn, das wir/ uns wolbedächttleich, liebleich und frewnnttleich nach erber frümmer leütt ratt gericht und veraintt habenn auff ain gancz stëtes endtt mit dem/ erwirdigen geistleichenn herrenn, hern Vlreichen, die zeit abbtt zu Wilhering und sein nachkömen und dem ganczen connventt dasselbs von des/ obgenantten Steghoffs wegenn zu Raffoltting mit aller seiner zugehörungenn und von aller ander zuspruch wegenn, so der benantt mein herr, der/ abbtt zu Wilhering und sein connventt zu uns gehabtt habenn an solher masse, das wir, unser eribenn, noch niemandt ander von unsern wegenn hincz/ des obgenantten Steghoffs wegen mit aller seiner zugehörung hin fur nimermer zu sprechen sullen noch enwellen haben noch gewinnen weder mit recht/ noch [an] rechtt, geistleich noch welttleich, in chainerlay weysse angeferleichenn; wa[nn uns] von dem benanttenn abbtt zu Wilhering und dem connventt/ dasselbs von des benantten Steghoffs wegen ain gancz völligs benüegen beschehen ist […] uns wolbenugtt hatt und des gancz bezaltt und ausgericht/ sein an all unser schädenn; auch sein wir gerichtt und geaint mit dem obgenantten unserm herrn, dem abbtt zu Wilhering und dem ganczen connvent dasselbs/ von aller der gelttschuld wegenn, so wir in schuldig sein gewesenn, alsso das der obgenantte [unser] herr, der abbtt zu Wilhering, sein nachkömen, der gancz/ connvent dasselbs zu uns und unsernn eribenn hin für darumb nimermer ze sprechenn sullenn habenn in[chain] sachenn angefertt wie das fürkümbtt, des/ zu urkund der sachenn geben wir in den gegenwurtigen brieff besigelttenn mit der edellnn und erbernn Chonnratten Ekker, die zeit richter zu Ever-/ ding und Ulreichen Chunichmair, burger dasselbs und die zeitt landttrichtter im Tunawtall, paider anhangenden in sigelln, die wir willichleich/ und unbetwungenleich mit vleis darumb gepeten haben, in und allen iren eriben an schaden; under die in sigell wir uns, ich obgenantter/ Wilhalm und ich Anna, sein hausfrau, als wir oben vergehen, verpindttenn mit unserenn trewenn an aines gesworenn aides statt, alles das war stett zu/ [halten, das oben an dem brieff verschriben ist, der geben ist] [Rest der Urkunde abgeschnitten]