Ich swester Margaretha Panhalbin, des hailigen gaistz ordens zw Pulgarn(n), dy zeitt maistrin, ich wrueder Wolffgang Pulkawar, dy/ zeit prior und mitt sampt uns der gantz convent do selbs bekennen und tuen kund offenleich allen lewten mitt dem wrieff,/ das wir mitt guetem willen, zw der czeit, do wir das rechtleich wolgetuen mo/echten, alls recht gruntherren des obgenanten gotzhaws/ czw Pulgarn verchaufft haben ein halbew hofstat weingarten gelegen in der Tulna/er gassen czw nagst Conraten des Ruetzendorffer/ hofstat, da von man dint jerlich uns, unserm gotzhaws sex wienner phennig ze gruntrech[t] an sand gorgen tag als das mitt/ alter herkomen ist und nicht mer; dy obgenant halb hofstat weingarten, dy Connrat Perbenhawbt alls ein perigmaister unser und/ des obgenannten gotzhaws czw Pulgarnn mitt dem rechten wehabt hatt nach lawtt desselben wehab wrieff wenn er es czw/ ffrom der hanntt dy selb czeitt hatt (funden) haben wir allso mitt aller czwgehorung verkawfft und geben umb ain sum geltz, der wir/ an statt des gotzhawss weczalt sein cze rechten ta/egen dem vorgenantten Pawlein Durn, burger czw Klosternewburg, seinen erben/ furbaser ledikleich und freileichen cze haben und allen iren frumen damitt cze schaffen, mitt verkawffen, verseczen machen schaffen/ und geben, wem sy wellen vor aller yerung; damitt sein wir des kauffs in obgeschribnar maynung ir recht geberen und scherm/ fur all ansprach nach dem landes rechten in Osterrich und was in furbaser mit recht dar an abgett, das sullen sy haben auff/ des gotzhaws guett, nichtz ausgenomen, wir sein lebentig oder to/ed; mitt urchund des wrieff wesigelt mitt der obgemelten/ erbirdigen edlen und gaistlich ffrawn ffrawn Margaretha Panhalbin, dy czeitt maistrin czw Pulgaren anhangunden insigill./ Der sach ist geczeug durch unser vleissiger gepett willen der erber Hanns der jung Waitzhoffer, dy czeitt statschreiber czw/ Klosternewburg mitt seinem anhangunden insigill, im und seinen erben anschaden. Geben an der aindlefftaussent maidtag/ nach christi gepurd virczehenhundertt und indem czwai und funffczigisten jar.