Ich Wolfgang Sa/elchammer, die zeit lanndrichter im Tuennawtal bekenn, das ich an hewt in/ offner lannschrann zu Strasham mit ainem erbern geding in verhorn des rechtens gesessen bin, fuer/ mich ko/emen des erwirdigen und geistlichen herren herrn Ulreichen, abbt zu Wilhering anbalt mit/ namen her Hanns Haslinger, conventprueder und an der zeyt wursner daselbs mit seinem/ seinem angedingten redner und pracht fuer, wie das dem benannten gotshaws zu Wilhering/ ain hof genant zu zu Talham mit dem pranntt verdarben sey und sy mu/egen desselben hoffs hin/ wider zu stift nocht auch yerer vodrung davon nicht bekomen wenn es seinn eriben vorhannten die zu/ dem hof auch zu dem der auf dem hof gesessen und darauf verdarben ist eriben wellen, den selben eriben/ sein herr, der abbt meniger tag benent hab und am jungisten sey in aber ain tag benent warden, da hin/ sey der ain tail der eriben auch ander erber frumb lewt komen und der ander tail der eriben nicht und/ mügen des hoffs zu stift nicht bekomen, und begert darumb ainer gemaynen urtail zefragen, da/ fragt ich seinen redner auf seinn aid ains rechtens der erkannt zu recht und sprach als der benant/ herr und wursner an stat seins egenanten herren und abts fue/rpracht hat von wegen des hoffs/ zu Talham, der in mit dem pranntt verdarben sey und lig unstiftlichen, das sy yerer vadrung da-/ von nicht bekomen mugen und eriben seinn vor hannten die zu dem hof auch zu dem dar dar auf ver-/ darben ist eriben vermainn ze sein, den selben eriben der egenanten sein herr und abtt meniger tag wenn/ ainn benent hab von des hoffs wegen ze stiften und am jungisten sey den eriben aber ain tag benent/ warden, dem der ain tail der eriben nach komen sey auch ander erber frumb lewt da hin komen seinn/ und der ander tail der eriben sey nicht komen und darumb das die eriben nicht mit ein ander uberain/ komen, so mag der obgenant herr und abt an stat des gotshaws den hof wol gestiften doch das ich/ das den eriben ze wissen tue und piet in ze komen gein Wilhering zwischen hewt und vier-/ zehen tag auf ain benanten tag; komen dann dy eriben auf den selben tag und werdent ainss mit ein-/ ander, wer stiften sol die eriben oder das egemelt gotzhaws bescha/ech das so wer es an im selben/ kamen aber dy eriben auf den tag, den ich nennen wurde also nicht so sol und mag der obgenant/ herr und abtt den hoff zu Talham wol gestiften und pawn nach des gotzhaws notdurften, das er/ auf seinn aid die zeit rechtlichers nicht nicht west und beger sein der obgenant herr und wursner/ so geb ich im der gefelten urtail rechtlichen meinn urtailprief und pat mich des ze fragen an das/ erber geding, die habent im das von mann zu mann zu recht nach gesprochen und verfoligt, dar-/ auf pat mich der obgemelt herr und wursner im der gefelten urtail meinn urtailprief ze/ geben, den ich im zu urkund geben hab, der im auch durch das erber geding mit recht erchannt/ ist warden, besigelten mit meinem, Wolfgangen des Salkchamer aigen aufgedrükchten sigill,/ mir und mein eriben anschaden; des tags sind bey mir an dem rechten gesessen die erbern und weysen/ weysen von erst Attakcher Hawczenperger, Steffan von Aham, burger zu Everding, Wolfgang/ von Hilkering, Wolfgang Hester, darnach Jorig Kirichmair zu Schonhering und der Chotmulner/ baid meins genadigen herren des kwnigs amptman Symon Gruebmulner, meins genadigen/ herren von Schawnberg amptman der Mittermair und der Leb, baid des von Liechtenstain/ amptman, Wolfhart von Aham des von Passaw amptman, Steffan Phanczagl, des von Kot-/ weyg amptman, Mertt Weysmair zu Tenyng, des von sand Florian amptman, Hanns von/ Perwynd, des von Gasten amptman, Paul Grabmair, der von Trawnkirichen amptman, / Jorig von Egk, des Plesser amptman, Andre zu Stawdach, der von Slierbach amptman, Hanns/ von Puecham, der Aspan amptman, Mertt Schuester auf der hueb des pharrer von sand Giligen/ amptman, Hanns Kawtz, Hainreich Zellinger, Hainreich Kirichmair im Ternpach, Michel/ Huebmair zu Palsenncz des Schallenberger amptman und mer amplewt und ander lewt/ genueg. Geben und geschechen zu Strasham an phincztag nach sand Michels tag/ anno domino etc. im drew und und funffczigisten jare.