Ich Hainrich, weylent auf dem Pognerhof pei Newsserling gesessen verich fur mich, mein hawsfrauen und all unnser eribenn und tu/en kund mit dem offen/ brief allen, denn er furkumbt, das ich mit wolbedachtem muett auch zu derzeit, da ich das wolgetun mocht, recht und redlich zu rechter furtzicht verkauft und zekauffen geben/ habe Casparen Aschlperger und seinen eriben unnser zehent, der mit nam hernach geschriben stett von erst zu Obernhainperig ganntzn zehent und zu dem Schawr/ am weg ganntzen zehent und zu dem Smid an dem Hamad auf zwayen veldernn und sind all gelegen in Gramasteter pfarr und in Wa/essenberger herschafft mit allenn/ eren, rechten und nu/etzenn, die darzue gehorent der edlen und vesten meiner lieben herren Walthasar von Newndling, seiner prueder und irrer erben lehensch[a]ft umb ain/ gelt, des uns wolbenuegt und des wir zu rechten tagen an all schaden ganntz ausgericht und beczalt sein wordenn; wir habenn in auch die vorgenanten zehennt mit aller irren/ zuegehorungen aufgebenn, bestatt und ingeantwurt mit herren hanndt und aller statt, der sy dar uber bedurfenn aus unnser und aller unnser eribenn nutz und gwer in ir nutz/ und gwer, damit si nun furbas wol allen irenn frumen sollenn und mugen geschaffenn durich versetzenn, verkauffenn, schaffenn machen und geben, wem sy wellent und da mit/ hanndln und tun, wie sew verlust an unnser und aller unnser eriben und manigklichs von unnsern wegenn irrung und hindernuss; ich obgenanter Hainrich und all mein eriben/ sein auch der vorgenanten zehent mit iren zuegehorungen zekauf ir recht gwern und furstantt fur all rechtlich ansprach, wo oder und wie oft in des mit rechtenn not und durft beschiecht,/ als dann solichs kaufs verlehnnts guets und lanndes ob der Enns recht ist; gienng inn aber mit recht daran nicht ab oder das inn krieg oder ansprach darinn auferstuend, wie sich das/ fuegt mit dem rechtenn, des si zu schadenn khamen, denn selbn schadenn, allenn zu sambt dem haubtguett und kauf sollen und wellen wir inn ganntzlich erstatn, ausrichtenn und wider-/ kern und sullen si das alles habenn zu uns und allen unnsern eriben und darzue auf allem unnserm guet, so wir uberall inndert haben, gewynnen und lassen, nichtz ausgenomen;/ und mugn si schaden und abgangkch zu sambt dem kauf davon wolbechomen, so si nagst und pest mugen, das alles ist unnser guetter willen und wort anwidersprechen,/ wir sein lembtig oder tod, mit urkund des briefs besigelt durich meiner des obgenanten Hainrichenn zu Newsserling fleissigen gebett willenn mit des vorgenanten meines/ lieben herrn Walthasar von Newndling als des eltern und vorgeer seiner bruder der von Newndling anhangunden insigl, im und seinen pruedern und iren eriben an/ schadenn und an irrer lehenschaft vodrung und rechten unengolten; darunter ich mich vorgenanter Hainrich zu Newsserling mit meinen trewen fur mich und all/ mein eriben aides weis verpindt, alles das statt zehaltenn, so andem brief geschriben stet, der geben ist zu Rottenegkh an Montag nach oculi inder vastenn nach cristi/ gepurdt viertzehenhundert jar und darnach indem sibentzigisten jare.