Ich Lienhart Santmair, burger zu Eferding, und ich Magdalena sein hausfraw/o bekennen fur uns, all unser/ eribn und thun khund mit dem offen brief, wo der zusehen, horen oder lesen furkw/ombt, das wir wolbedachtlich mit guetter/ vernu[n]ft und zu den zeiten, do wir das an manicklichs widersprechen sunder mit gunst und wissen unser swad/ und frenndt wolgethun mochten, keuflich verkauft und zu statem ewigem kauff und furczicht zukauffen geben/ haben in unser lieben fraw/oen zech der weber und zu Sand Florian alltar in Sand Ypoliten gotshaw/oss zu/ Eferding in der abseytten gegen der Stainhutten vor der grossen kirchtuer gelegen zu der stift und ewigen gotsdinst/ der gemelten zech und alltar daselbs unser viertail an dem gartten des Zwelf Ackher und nw zu ainer/ wissen gemacht sind, gelegen pey Eferding und stost mit dem ain ortt an den Lederanger und mit dem anderen/ ortt an das Jorig Prantner seling khinder pewntt, davon man jerlich an sand Niclastag gibt zu purckrecht/ in das statgericht zu Eferding zwen wienner pfening, damit wirs aufgeben und die zechleutt unser lieben frawen/ zechn der weber und Sand Florian alltar damit genomen haben umb ain sum gellts, der wir von mergedachten/ zechleutten berait zu rechter zeit an allen abgang und schaden gants entricht und bezallt sein, daran uns yeczund/ furan wolbenu/ogt; und wir haben auch der vorgenantten unser lieben frawen zech der weber und zu Sand Florian/ alltar den vorgemelten viertail an dem gartten des Zwelf Ackher und nw zu ainer wisen gemacht sind seiner/ zugehorung zu statem ewigem khauff und furczicht ubergeben, ingeantwurt mit purckherren und gerichtz handten/ besta/ett und aller stat, der man zurecht daruber bedurffent ist, aus unser, aller unser eriben in unser lieben frawenn/ zech der weber und zu Sand Florian alltar aller zechleuttn der yeczbedachten zech und alltar gewallt, nuts und/ gewer; also das die zechleutt und innhaber der berurtten zech und alltars, wer die yecz sein oder ku/onfticklich/ werden nw fu/orbaser mit obestimbter wisen in unser lieben frawen zech der weber und zu Sand Florian alltar zu/ dem selben gotsdinst wol allen iren nutz und frumen damit trachten, stifften, handeln, thun und lassen sullen und mugen,/ als mit ander der stift aigen guet an unser, aller unser eriben und manicklichs von unsern wegen irrung, einred/ und widersprechen; wir obenant seczen uns und fur all unser eriben umb obverschriben khauff unser lieben frawen/ zech der weber und Sand Florian alltar allen ieren zechleutten und innhabern solch stift zurechten gewern/ und fu/orstant fur all rechtlich krieg und ansprach, wo des zurecht nottuet, alsdann khaufs purckrechts der/ stat Eferding recht ist. Gieng aber an solchem khauff und gewerschaft mitrecht icht ab, des die zechleu/ott/ und innhaber unnser lieben frawen zech der weber und Sand Florian alltar schaden namen, wider der genant/ wurde ungeverlich kainen ausgenomen, denselben abgang und schaden allen zu sambt disem kauff und/ gewerschaft geloben sullen und wellen wir in berait an abgang kerung thun, erstatten und richttig mach-/ en; sy mugens auch an stat und von wegen unser lieben frawen zech der weber und Sand Florian alltar haben/ und bekomen zu uns, allen unsern erben und unverschaidenlich auf und von aller unser hab, erb und guet, anligund/ und varund, klain und gross, so wir uberall yndert haben, gewynnen oder lassen, darinne nyndert nichtz ausgeno-/ men, das mitrecht eincziehen alslang innhaben, nuczen und niessen mugen, unczt sy gants an allen abgang und/ schaden beleibent, auch davon an abslag gar entricht und bezallt sein, das an kain ende widersprechen wel-/ len; des zu warem urkunde dicz offen kaufbriefs besigelt durch unser vleissiger pete willen mit des edln vestten/ Hanns Wahinger, die zeit statrichter zu Eferding aign anhangunden insigel, iem, seinen eriben und insigl/ on schaden, auch dem gemelten statgericht an seinem purckrechten unengolten; under das insigel wir fur/ uns und all unser eriben mit unsern trewen aides weys verpinden, stat zuhallten, nachzugeen und ingedenckh/ zusein, innhallt des briefs. Zeugen der sachen und gepetz umb das insigel sind gewesen Jacob Vallinprun,/ Hanns Hayder, hafner, Wolfgang Messrer, all burger zu Eferding und anderleut mer. Geben an eritag/ vor sand margreten tag der heyling junckfrawen nach kristi geburd vierczehenhundert und newnund-/ achczigisten jaren.