Ich Lorencz, etwann am lehen zu Durchstetten, yetz an der Puechmull zu Achleytten gesessen und ich Elspet, sein/ hausfraw bekennen fur uns, all unser erben und thu/on kund mit dem offen brieff, wo der zu/osehen, horen oder lesen/ fu/orku/ombt, daz wir kaufflich verkaufft und zu/o stetem kauff und ewiger fu/orczicht zu/okau/offen geben haben dem erbern/ Asem Kriechpawmer, yecz am lehen zu/o Du/orchstetten gesessen, Anna, seiner hau/osfrawn und allen iren beden erben/ all unser pawmansrechten, so wir von genaden wegen gehabt haben an und aufm lehen zu/o Du/orchstetten mit/ aller seiner zu/ogehorungen in Gremanstetter pharr, Wechssenberger lanndgericht gelegen und ist des erwir-/ digen gotshawss Wilhering rechtz freys aigen umb ain sum gellts, der wir von in berait zurechter zeit an/ allen abganng und schaden gannts und gar entricht und bezallt sein, daran uns yecz und furan wolbenu/ogt./ Wir haben auch das vorgenannt pawmansrechten an und aufm lehen zu/o Du/orchstetten mit aller seiner zuge-/ horungen in und allen iren beden erben zu/ostetem kauff und ewiger fu/orczicht aufgeben, abtretten, ingeantwortt/ mit herren hanndten insigel und aller stet, der sew durchrecht daru/ober bedu/orffennt aus unser, aller unser/ erben in ier und all ier beder erben gewallt, nuts und gewer, also daz sew nw und fu/oran das vorverschri-/ ben pawmansrechten besiczen, innhaben, nutzen, niessen und allen iren nuts und frumen damit trachten, handeln,/ thu/on und lassen, versetzen, verkauffen, schaffen machen und geben su/ollen und mu/ogen, wie und wem sew verlust/ an unns, aller unser erben und meniclichs von unseren wegen irrung, einred und widersprechen treulich ongever./ Wir obenannt und all unser erben sein auch obestimbten pawmansrechten an und aufm lehen zu Du/orchstetten/ mit aller zu/ogehorungen und des khauffs darauff ier recht gewern und fu/orstannt fu/or all rechtlich krieg und/ ansprach, wo, wann und wie oft in des zu/orecht nottuet, alsdann steten kauff und ewiger fu/orczicht des erwir-/ digen gotshawss Wilhering und lanndes ob der Enns recht ist. Gieng in aber daran icht ab oder daz in/ ainicherlay krieg, irrung oder ansprach dar inne auferstuende, von wem daz wer oder wie es sich von unseren/ wegen mit dem rechten fuegte, so bekennen wir uns oder wer dawider tett an aller stat mit dem erssten fur-/ komen, wo der brieff fu/orbracht und verlesen wirdet gannts ungerecht verloren in gar erlanngt behabt/ und gewunnen auch allen abganng und schaden zu/osambt dy gewerschaft an inred kherung zethun und/ richtig zemachen treulich und ungeverlich; urkunde dicz offen kauffbrieffs besigelten mit des erwirdigen/ ingot und geistlichen herren, herren Thomas, abbt zu Wilhering unsers genadigen herren clain anhan-/ gunden insigel, darumben wir sein genad mit unserm petbrieff iem gegeben vleissig gepeten haben, doch/ sein genaden, seinen nachkomen und insigel, auch an irer freyen stifft gullt vordrungen und rechten an schaden/ unvergriffennlich und unengolten; darunder wir uns und fur all unser erben mit unseren trewen aidesweis/ verpinden, alles stett zuhallten, nach zugeen und ingedenck zusein, innhallt des briefs; zeugen gepets/ umb insigel und verferttigung des petbriefs sind gewesen: Thaman Du/ornperger am Du/ornperg,/ Peter Reytter am Moslein pey Sannd Jorgen und annder leut mer. Geben an sambstag vor sannd/ Jorgen tag nach cristi geburde vierczehenhundert und sechsundnewnczigisten jarn.