Frater Johannes de Cardona, ordinis hospitalis sancti Johannis Hierosolimitani bajulivus majoricennis (?), reverendissimi Domini magistri et sacri conventus Rhodi locumterens et commissarius a sanctissimo patre Sixto papa quarto constitutus vigore literarum suarum pro expeditione contra perfidos Thurcos christiani nominis hostes in defensionem insulae Rhodi et fidei catholicae facta et facienda per universum orbem concessarum deputatus, apostolica auctoritate indulget, quod Amalya de Emps, genita de Stain, presbiterum idoneum secularem vel regularem in suum confessorem possit eligere, qui supernominatae pro omnibus delictis etiam reservatis, exceptis tamen casibus injectionis manuum in episcopum vel superiorem ac libertatis ecclesiasticae offensae seu conspiracionis in personam aut statum Romani pontificis vel cujusvis offensae obedienciae aut rebellionis sedis ejusdem et presbitericidii, plenariam remissionem concedat.