Wir Albrecht von gotes gnaden, Hertzog ze Oesterreich, ze Steyr, ze Kaernden, und ze Krayn, Graf ze Tyrol etc. Bekennen fuer uns, und unser Erben, daz wir unserm getrewn Albern dem Hadmanstorffer unserm kamrêr, durch der getrewn dienst willen, die er uns enther getan hat, und noch hinfuer tuon sol und mag, und auch von gnaden geben haben, und geben auch wissentleich mit dem brief, unsern halben tail an dem Oeden hawse gelegen hie ze Wienn, zenachsts Wolfhartten des Poben seligen haus gegen den Tuochlawben ueber, das vormals Steussen kinder unser Juden ze Wienn gewesen ist. Also, daz er, und sein Erben, denselben halben tayl an dem vorgenanten haws, und was darzuo gehoert, nu fuerbazzer innehaben, besitzen, und nyessen suellen, und allen iren fruemen damit schaffen, als mit anderr irr aygen hab, an unser, unserr Erben, und maenikleichs irrung und hindernuss, an gevêrd. Mit urkund ditz briefs. Geben ze Wienn an Eritag vor unserr frawn tag Annunciacionis. Nach Crists gepuerd drewzehenhundert Jar, und darnach in dem Syben und Newntzigistem Jare. Nr. 1360b ad 1397 20/3 Nr. 1360 Wir Albrecht von gotes gnaden Hertzog zu Oesterreich ze Steir tze Kernden und ze Krain Graf ze Tirol etc. Bekennen fur uns und unser erben das wir unserm getrewen Albern dem Hadmanstorffer unserm kamrer durch der getrewen dinst willen die er uns enther getan hat und noch hinfur tuen sol und mag und auch von gnaden geben haben und geben auch wissentleich mit dem brief unsern halben tail an dem Oden hause gelegen hie ze Wienn zenagsts Wolfharten des Poben seligen haus gegen den Tuchlauben uber das vormals Steussen kinder unser Juden ze Wienn gewesen ist das-selb haus yetz der (Wolfgang der wachsgiesser Innhat Andres von Meran Burger hie zu Wien Juncker) Praytner Innhat.

Source Fulltext: Peter Peusquens